Jas aqyndardy tájirıbeli aqyndardyń aldaryna shyǵaryp, shabystaryn baıqap, aqyl-keńesterin berip, bolashaq ómirge qoldaý bolarǵa bata berý, sonymen qatar aıtys ónerin nasıhattaý maqsatyndaǵy sharaǵa Aqtaý qalasyndaǵy «Jyr jebe» aıtysker aqyndar mektebiniń túlekteri men Aqtaý qalasy № 8 orta mektep oqýshylary qatysty.
Sońǵy jyldary aqyn Farhad Mýsaev Aqtaý qalasynan oblystyq mádenıet basqarmasynyń qoldaýymen «Jyr jebe» atty aıtysker aqyndar mektebin ashyp, shákirt tárbıelep keledi. Olardyń birqatary oblystyq, respýblıkalyq aıtystarda jeńimpaz, júldeger atanyp, oblysymyzǵa oljamen oralyp júr. Jýyrda sáýir aıynda Almatyda bolǵan respýblıkalyq "Uly dala daryndary" atty ónerpazdar baıqaýynda mektep túlegi Meıirbek Salamatov 1-oryn ıemdenip, T.Júrgenov atyndaǵy óner akademııasynyń oqý grantyn jeńip aldy. Sondaı-aq, Jumabaı Maǵjan Amankeldiuly, Salamatov Meıirbek Jáýmituly, Súıemov Alshyn Qanbergenuly, Sardar Erdáýlet Berdixanuly, Qýanysh Joldas, Qaıyrbek Teńel. Aqyndar «Qulmambet aıtys» túrimen kezektesip aıtysyp, sharaǵa qatysýshylardy bir silkintip tastady, deıdi "Otpan" MKQK bólim meńgerýshisi Jomart Aıdarbek.
Aqyndardyń qatarynda Adaıdyń jeti qaıqysy О́skembaı Qalmambetulynyń urpaǵy Qaıyrbek Teńel men Qýanysh Joldas – Mańǵystaý óner kolledjiniń jyr-terme bóliminiń stýdentteri. Solardy kezek-kezek jyrlatyp, kúı tartqyzyp, jyrshy-kúıshilerdiń sulý sózderi men kúmbirlegen kúılerin tyńdap, qatysýshylar bir marqaıyp qaldy.
Aqyndar men jyrshylardyń jyrynan shabyty oıanǵan I.Súıeýbaev atyndaǵy mekteptiń 9-synyp oqýshysy, «Sazgen» óner mektebiniń túlegi Raqymjan Jańabaev ózi suranyp, kórermender aldyna shyǵyp jyrdan shashý shashty. Shara dástúri boıynsha qart aqyn jas júırikterge bata berý kerek bolatyn. Sharaǵa arnaıy shaqyrylǵan aqyn densaýlyǵyna baılanysty kezdesýge kele almaǵandyqtan, burynǵylardyń jolymen dep sharany júrgizýshi jas júırikterge aǵalyq batasyn berdi.
Kásiporyn atynan aıtysker aqyndarǵa estelikke Mańǵystaýlyq aqyn-jyraýlardyń jyr jınaqtary tartý etildi.
