Aqtaýdaǵy teńiz jaıaý brıgadasynyń 600-den astam merzimdik qyzmettegi sarbazy, Aqtóbe, Atyraý jáne Mańǵystaý oblysyndaǵy Beıneý eldimekenindegi merzimdik qyzmettegi sarbazdar ózderiniń týǵan jerlerine jol tartty.
Merzimdi qyzmettegi áskerı qyzmetshilerdi saltanatty shyǵaryp salýdy alǵashqylardyń biri bolyp Desanttyq-shabýyldaý áskerleri ótkizdi. Qyzmetterin adal oryndap, oqý-jaýyngerlik tapsyrmalardy sapaly oryndaǵandary úshin kóptegen áskerı qyzmetshiler áskerler qolbasshysynyń atynan gramotalarmen, áskerı bólimderdiń komandırlerinen alǵys hattarmen, sondaı-aq áskerı qyzmet týraly estelik úshin fotoalbomdarmen jáne baǵaly syılyqtarmen marapattaldy. Áskerı bólimderdiń komandırleri, QR Qarýly Kúshteriniń ardagerleri jyly lebizderin bildirdi.
Qarýly Kúshterde aǵymdaǵy jylǵy kóktemde zańmen belgilengen áskreı qyzmet merzimin ótkergen 6000-ǵa jýyq áskerı qyzmetshi zapasqa bosatylatynyn esterińizge sala keteıik. Bir jyl boıy áskerı qyzmetshiler áskerı mamandyqty ıgerip, jaýyngerlik daıarlyqta eleýli nátıjelerge qol jetkizdi, birneshe ret is júzinde joǵary jaýyngerlik mashyqtaryn pash etti. Bosatylatyn áskerı qyzmetshilerdiń kóbisi respýblıkalyq jáne halyqaralyq mańyzy bar QR Qarýly Kúshteri aýqymyndaǵy is-sharalardy daıyndaý men ótkizýge belsene qatysqan bolatyn.
