Sharaǵa QMG jáne onyń enshiles uıymdarynyń ekologııalyq normalardyń saqtalýyna jáne qyzmetkerlerdiń eńbek qaýipsizdigin qamtamasyz etýge jaýapty 140-tan astam maman qatysty. Májilis qaýipsizdik pen eńbekti qorǵaýdyń aǵymdaǵy jaı-kúıin baǵalaý, olardy ári qaraı jetildirý, jalpy máselelerdi talqylaý jáne olardy sheshý úshin usynystar ázirleý maqsatynda jyl saıyn ótkizilip turady.
Qalyptasqan dástúr boıynsha kezdesý qaýipsizdik mınýtynan bastaldy, onyń barysynda qatysýshylar úshin tótenshe jaǵdaı kezindegi qaýipsizdik tehnıkasy jóninde nusqama ótkizildi.
«Mańǵystaýmunaıgaz» AQ bas dırektorynyń ekonomıka jáne qarjy jónindegi bas dırektory Sh.Ilmuhanbetova kún tártibiniń basty máselelerin aıqyndady. О́ndiristegi eńbekti qorǵaý, apat men jaraqattardyń aldyn alý jáne qorshaǵan ortaǵa kompanııalar qyzmetiniń jaǵymsyz áserin azaıtý máselelerinde derbes jaýapkershilikti arttyrýdyń mańyzdylyǵy men qajettiligine kezekti ret basa nazar aýdaryldy.
QMG eńbekti jáne qorshaǵan ortany qorǵaý jónindegi basqarýshy dırektory Vınsent Spınellı sońǵy 4 jyl ishinde qaýipsizdik jáne eńbekti qorǵaý kórsetkishteri boıynsha 2018 jyl eń úzdik bolǵanyn atap aıtty. 2017 jylmen salystyrǵanda adam ólimi bolǵan jaǵdaılar sany 80%-ǵa azaıdy, jaraqat alý 32%-ǵa tómendedi, jaraqat alýdyń iri (adam ómiri úshin mańyzdy) iri oqıǵalar sany 57%-ǵa, jol-kólik oqıǵalary saldarynan jaraqat alý 47%-ǵa, órt sany ótken jylmen salystyrǵanda 54%-ǵa azaıdy. Jalpy QMG kompanııalary tobynda qaýipsiz kúnder sany (kompanııanyń qyzmetkerlerine, aktıvterine jáne qorshaǵan ortaǵa zııan keltirmegen kúnder) 2014 jyldaǵy 96-dan 2018 jyly 207-ge deıin ulǵaıdy.
Májilis barysynda 2019 jylǵa arnalǵan maqsattar da belgilendi. Eńbekti qorǵaý salasynda jumys ornyndaǵy qaýipsizdiktiń aldyn alý mádenıetin qalyptastyrý jáne eńbek etýdiń qaýipsiz emes jaǵdaılaryn anyqtaý jónindegi jumys jalǵasyn tabady. Sondaı-aq qaldyqtardy basqarý jáne órtke qarsy qaýipsizdikti saqtaý máselelerine de basymdyq beriledi. Budan basqa osy jyly merdigerlik uıymdarǵa jáne olardyń EQOQ normalaryn saqtalýyna qatań baqylaý ornatý josparlanyp otyr.
