Bıyl eksporttaýshylardyń shyǵyndaryn óteýge 10,4 mlrd teńge kóleminde qarajat qarastyrylyp otyr.
Indýstrııalyq-ınnovasııalyq qyzmet sýbektilerine taýarlardy kótermeleý úshin shyǵyndardyń bir bóligin óteý mynadaı túrlerde júzege asyrylady:
1) shetelde jarnamalyq taýarlarǵa baılanysty shyǵyndar;
2) halyqaralyq kórmelerge, jármeńkelerge, festıvalderge tikeleı qatysý quny;
3) shetel tilderine aýdarý jáne shetelge taratý úshin mamandandyrylǵan katalogty jarııalaýǵa baılanysty shyǵyndar;
4) sheteldegi ókildikti, bólimsheni jáne qoımany saqtaý qunyn;
5) shetelde taýar tańbalaryn (brendin) tirkeýge baılanysty rásimderdi júrgizý shyǵyndary;
6) taýarlardy shetelde sertıfıkattaýǵa baılanysty rásimderdi júrgizýge jumsalǵan shyǵyndar;
7) taýarlardy temirjol jáne (nemese) avtomobıl jolymen (Qazaqstan Respýblıkasy sheginde) jetkizýmen baılanysty shyǵyndar.
Kásipkerlik sýbektileriniń sanatyna qaraı negizdelgen jáne qujatpen rastalǵan shyǵyndar mynadaı tártippen óteledi:
1) iri kásipkerlik sýbektilerine – óteýge usynylǵan somanyń 30% mólsherinde;
2) orta kásipkerlik sýbektilerine – óteýge usynylǵan somanyń 50% mólsherinde;
3) shaǵyn kásipkerlik sýbektilerine – óteýge usynylǵan somanyń 60% mólsherinde. Bul rette óteýdiń eń joǵary mólsheri bıznestiń mólsherine qaramastan 13 000 (on úsh myń) AEK nemese 32,8 mln. teńgeden aspaýy tıis. Tasymaldaý qunynyń bir bóligin óteýdiń eń kóp somasy aǵymdaǵy jylǵa bólingen qarajattyń 1/50 nemese bir kásiporyn úshin 200 mln. teńgeden aspaıdy. Avtokólikpen júk tasymaldaý lımıti 1 shaqyrymǵa 300 teńgeden aspaıdy.
Indýstrııalyq-ınnovasııalyq qyzmet sýbektilerine shyǵyndardyń bir bóligin óteý Qazaqstan Respýblıkasy Investısııalar jáne damý mınıstriniń 2015 jylǵy 30 qarashadaǵy № 1128 buıryǵymen bekitilgen «Otandyq óńdelgen taýarlardy ilgeriletý maqsatynda ındýstrııalyq-ınnovasııalyq qyzmet sýbektileri shyǵyndarynyń bir bóligin óteý qaǵıdalaryna» sáıkes júzege asyrylady.
