Bul jobalardyń barlyǵy Demeýshilik jáne qaıyrymdylyq baǵdarlamasy sheńberinde júzege asyryldy. Atalǵan baǵdarlama ekonomıkalyq turaqtylyqty damytýǵa jáne densaýlyq saqtaý jáne bilim berý salalaryna, sport pen mádenıetti damytýǵa, mádenı murany saqtaýǵa úles qosý, sondaı-aq halyqtyń áleýmettik jaǵynan osal toptaryna kómek kórsetý arqyly áleýmettik jaǵdaıdy jaqsartýǵa baǵyttalǵan.
Demeýshilik jáne qaıyrymdylyq baǵdarlamasy sheńberinde júzege asyrylǵan jobalar Konsorsıýmnyń korporatıvtik jáne áleýmettik mindettemeleri júıesiniń basty bóligi bolyp tabylady.
-2018 jyly júzege asyrylǵan jobalar oblystyń balalardy tárbıeleýmen jáne olarǵa bilim berýmen aınalysatyn mekemelerine kómek pen qoldaý kórsetý arqyly jergilikti halyqtyń, atap aıtqanda óskeleń urpaqtyń ıgiligine baǵyttalǵany erekshe qýantady. Osyndaı jobalardyń arqasynda bizdiń Konsorsıým Atyraý oblysyn damytý isine óziniń kezekti úlesin qosatynyna senemin. NCOC óz qyzmetin júrgizetin óńirlerdegi jergilikti halyqqa qoldaý kórsetýge qatysty mindettemelerin oryndaýdy ármen qaraı da jalǵastyrýǵa nıetti ekenin atap ótsem deımin. Búgin tapsyrylyp otyrǵan jobalar osy sózderimniń dáleli bolyp tabylady, dedi jobalardyń tusaýkeseri kezinde NCOC kompanııasynyń syrtqy baılanys jónindegi menedjeri Jaǵypar Egizbaev.
2018 jyly barlyǵy 30 demeýshilik jáne qaıyrymdylyq jobasy júzege asyrylǵan edi, sonyń ishinde Mańǵystaý oblystyq aýrýhanalaryna medısınalyq jabdyqtardyń satyp alynǵanyn erekshe aıtyp ótýge bolady. Atalǵan mekemeler úshin Clinitron kúıikke qarsy sońǵy úlgidegi kereýetine arnalǵan qosymsha jabdyqtar, elektr hırýrgııalyq generator, kereýet janyna qoıylatyn monıtorlar, Túpqaraǵan aýdandyq ortalyq aýrýhanasy úshin reanımobıl jáne kóptegen ózge de qurylǵylar satyp alyndy. Sonyń arqasynda Mańǵystaý oblysynyń júzdegen turǵyndary ýaqtyly jáne nátıjeli em alý múmkindigine ıe boldy.
Prezentasııa barysynda NCOC kompanııasynyń ókilderi atap ótkendeı, Kompanııa men onyń qyzmetkerleri demeýshilik kómek kórsetý, qaıyrymdylyqpen aınalysý, erikti túrde túrli ister atqarý jáne merekelik sharalarǵa qatysý arqyly halyqtyń ómir súrý deńgeıin jaqsartýǵa belsene úles qosýda. 2018 jyly Atyraý jáne Mańǵystaý oblystarynda demeýshilik jáne qaıyrymdylyq baǵytynda jalpy quny shamamen 1,9 mln AQSh dollary bolatyn 64 joba júzege asyryldy. 1998 – 2018 jyldar aralyǵynda osy maqsatta barlyǵy 19 mln AQSh dollary jumsaldy.
Osy jumystar memlekettik deńgeıde baǵalandy. NCOC respýblıkalyq «Paryz» jyl saıynǵy konkýrsynda «Jyldyń úzdik áleýmettik jaýapty kásiporny» nomınasııasy boıynsha bas júldege ıe boldy. Bul marapat áleýmettik jáne ınfraqurylymdyq jobalar men demeýshilik jáne qaıyrymdylyq baǵdarlamasynyń sátti júzege asyrylýynyń aıǵaǵy dese de bolady.
Bul rette 2018 jyly NCOC kompanııasynyń 2013-2015 jyldar aralyǵynda júzege asyrylǵan demeýshilik jáne qaırymdylyq jobalaryna monıtorıng ótkizgenin aıtyp ótken jón. Monıtorınginiń basty maqsaty – jobalardyń jergilikti jurtshylyqqa áserin baǵalaý jáne olardyń tıimdilik dárejesin anyqtaý. Monıtorıng Atyraý oblysyndaǵy 66 joba jáne Mańǵystaý oblysyndaǵy 73 joba boıynsha júrgizildi. Monıtorıng nátıjesi boıynsha eki óńirdegi benefısıarlardyń 97 paıyzy kompanııa kórsetken kómektiń óz jumystarynyń jaqsarýyna eleýli úles qosqanyn málimdedi.
