Dalada qaldyq qańǵyryp
Senbi, 26 qańtar 2013 7:09
Ulym Erǵalı kásibin odan ári damytý úshin 2007 jyly «BankSentrKredıttiń» Pavlodar qalasyndaǵy fılıalynan áıeli A.Kómekovanyń atyndaǵy 4 bólmeli páterdi kepilge qoıyp 4.995.000 teńge, sosyn Pavlodar qalasyndaǵy meniń ıeligimdegi óndiristik bazany kepilge qoıyp 10.000.000 teńge nesıe alady. Biraq jaǵdaıǵa baılanysty qarajat taýsylyp, artynsha nebári 2 aı nesıeniń tólenbeı qalǵanyn syltaýratyp, bank E.Tóregeldıevten negizgi qaryzdyń qaldyǵy 14.628.454 teńge jáne 426.071 teńge sot shyǵynyn óndirý úshin 2008 jyldyń 27 mamyr kúni Pavlodar qalalyq azamattyq ister jónindegi sotqa talap aryz túsiredi.
Senbi, 26 qańtar 2013 7:09
Ulym Erǵalı kásibin odan ári damytý úshin 2007 jyly «BankSentrKredıttiń» Pavlodar qalasyndaǵy fılıalynan áıeli A.Kómekovanyń atyndaǵy 4 bólmeli páterdi kepilge qoıyp 4.995.000 teńge, sosyn Pavlodar qalasyndaǵy meniń ıeligimdegi óndiristik bazany kepilge qoıyp 10.000.000 teńge nesıe alady. Biraq jaǵdaıǵa baılanysty qarajat taýsylyp, artynsha nebári 2 aı nesıeniń tólenbeı qalǵanyn syltaýratyp, bank E.Tóregeldıevten negizgi qaryzdyń qaldyǵy 14.628.454 teńge jáne 426.071 teńge sot shyǵynyn óndirý úshin 2008 jyldyń 27 mamyr kúni Pavlodar qalalyq azamattyq ister jónindegi sotqa talap aryz túsiredi.
Sot 2008 jyldyń 4 tamyz kúni banktiń paıdasyna jaýapkerden barlyǵy 16.816.353 teńge óndirýge sheshim shyǵarady da, A.Kómekovanyń kepilge qoıylǵan 4 bólmeli páterin 4.923.660 teńgege, al óndiristik bazany 20.475.207 teńgege baǵalaıdy.
Olar 2009 jyldyń 26 tamyzy men 30 qyrkúıeginde esh eskertýsiz eki ret aǵylshyndyq ádispen 4 bólmeli páter men óndiristik bazany satýǵa aýksıonǵa shyǵarady. Biraq satyp alýshylardyń joqtyǵynan múlikter satylmaı, oǵan arnaıy hattama toltyrylady. Sodan 2009 jyldyń 8 qazany kúni Pavlodar oblystyq sot ákimshiliginiń Pavlodar qalalyq 1-shi aýmaqtyq bóliminiń bastyǵy bankke osy múlikterdi 20 paıyzdyq tómendetilgen baǵamen óz balansyna qabyldaýyna usynys jasaıdy. Biraq «BSK» 23.02.2010 jylǵy bergen jazbasha jaýabynda bul usynystan bas tartady. Demek, zań boıynsha, aǵylshyndyq jáne gollandyq ádispen satylmasa jáne bank óz balansyna alýdan bas tartsa, onda qaryzdy ózi jabý úshin múlikter tutqynnan shyǵarylmaı ıesine qaıtarylýy tıis edi. Biraq, bul talaptar oryndalmaı, 2010 jyldyń 14 sáýir kúni 3-shi ret múlikter gollandyq ádispen satýǵa aýksıonǵa qoıylady. Onda A.Kómekovanyń menshigindegi 4 bólmeli páter bastapqy baǵa 4.923.000 teńge ornyna 16-shy júriste 2.560.000 teńgege satylyp ketedi de, óndiristik baza satyp alýshynyń joqtyǵynan qalyp qoıady. Sóıtip bul óndiristik baza 2 ret aǵylshyndyq,1 ret gollandyq ádispen satylymǵa qoıylǵanmen ótpeı qaldy degen sóz. Endi zań boıynsha, óndiristik baza qaryzdy tolyǵymen óteý úshin maǵan qaıtarylýy kerek edi. Biraq olar kepildik quny 28.657.020 teńgege baǵalanǵan óndiristik bazanyń qoldan shyǵyp bara jatqanyn baıqap, 2010 jyldyń 13 sáýiri kúni «BSK» úsh adresatqa – Pavlodar oblystyq sottar ákimshisine Pavlodar qalalyq 1 aýmaqtyq bóliminiń bastyǵyna jáne «Bı-Logıstıks» AQ fılıalynyń dırektoryna hat joldaǵan bolyp, 2010 jyldyń 14 sáýir kúngi tańǵy saǵat 10-ǵa belgilengen aýksıonǵa óndiristik bazany shyǵarmaýǵa ótinish bildiredi. Bulaı etýge eshbir zańdy sebep-saldary kórsetilmeıdi jáne álbette kerek etiletin eshqandaı kredıttik komıssııanyń sheshimi bolmaıdy. Aýksıon 2010 jyldyń 14 sáýirinde tańǵy saǵat 10-ǵa belgilengendikten, zań boıynsha, 13 sáýir kúni qandaı da bir ótinish berý toqtatylyp, qabyldanbaýy kerek edi. Sonymen birge, is materıaldarynda bankten kelgen bul hattyń Pavlodar qalalyq aýmaqtyq bóliminde aýksıon ótip ketkennen keıin 2010 jyldyń 16 sáýiri kúni tirkelgeni taıǵa tańba basqandaı badyraıyp tur. Bul qaýly tıisti adamdarǵa, ıaǵnı bizge habarlanbaıdy jáne merzimdi zańdy ýaqytynda qarsylyq aryz jazýymyzǵa múmkindik bermeıdi. Arada tek 17 kún ótip ketkesin, 2010 jylǵy 30 sáýirde ony qolymyzǵa tapsyrady. Basqa eshqandaı qosymsha qujattar bolmaıdy. Buǵan erekshe toqtalyp otyrǵanym, keıinnen sot prosesi kezinde osy 14.04.2010 j. jasalǵan negizgi hattamaǵa 15.04.2010 j. jasalǵan qosymsha hattama degen paıda boldy. Sonymen oıda joqta, aýksıonnyń qaı kúni bolatyny bizge habarlanbaı, 2010 jyldyń 25 tamyzynda esh eskertýsiz, meniń jáne boryshker ulymnyń qatysýynsyz óndiristik baza 2-shi ret gollandyq ádispen 9-shy júriste 11.261.358 teńgege satylady. Iаǵnı, aýksıonnyń ótkizilgeni kúmándi bolyp tur. О́ıtkeni, hattamada óndiristik baza meniń emes, ulym E.Tóregeldıev pen A.Kómekovanyń jeke menshik múlki dep kórsetiledi. Aýksıon shynymen ótkizilgende bul olqylyqtarǵa jol berilmes edi. Sodan sot oryndaýshysy bank qyzmetkerlerin ertip, maǵan aýyzsha ne jazbasha habarlama jasamaı, 2010 jyldyń 20 qyrkúıek kúni bazanyń qulpyn syndyryp ashyp kiredi, qoımada qalǵan zattarymnyń taǵdyry áli kúnge belgisiz. Al ulym 7 birdeı, shıetteı bala-shaǵasymen páter jaldap, kóshede qańǵyp júr. Maǵan endi kim járdem bere alady? Quqyq qorǵaý organdary qol ushyn soza ma? Azamattyń jaǵdaıyn emes, paıdany ǵana oılap, bir otbasyn úısiz-kúısiz qaldyrǵan bankırlerge basý aıtar kim bar?..
Tuńǵyshbaı TО́REGELDIEV.
Pavlodar.
