Kelýshilerdi esepteý baǵdarlamasynyń málimetinshe, Merýerttiń MEGA Silk Way-diń mereıli qonaǵy bolǵany anyqtaldy. 2019 jyly 28 sáýirde otbasyna saýda oıyn-saýyq ortalyǵynda bir mıllıon teńgege saýda jasaýǵa sertıfıkat berildi.
– Biz saýda ortalyǵyna jaqyn mańda turamyz jáne Megaǵa azyq-túlikke jıi kelip, serýendep qaıtamyz. Munda keń, ashyq, jyly, jaıly, aýa kóp, bul jer janǵa jaıly, – dedi joly bolǵan baǵdarlamashy Merýert Aıtbaeva.
– MEGA Silk Way-de jaqsy ýaqyt ótkizýge bolady, munda balalardyń aqyl-oıyn damytýǵa arnalǵan oıyn-saýyqtar bar. Biz bul jerde avtokólik utysyna da qatysqanbyz, biraq utqan joqpyz. Mine, osy joly jolymyz boldy. Syıǵa berilgen sertıfıkatqa tehnıka, úıge arnalǵan taýarlar, oıynshyqtar, qyzymyz ben ózimizge kıim satyp alamyz, – deıdi ınterer dızaıneri Danııar Dildábekov.
Esterińizge sala keteıik, MEGA Silk Way-diń kiris toptarynda marketıngtik zertteýler júrgizý maqsatynda kelýshilerdi sanaıtyn esepteýishter jumys isteıdi. Eń iri astanalyq saýda-oıyn-saýyq ortalyǵyna keletinderdiń ortasha sany – bir mıllıon adam. 2019 jyldyń 1-shi toqsanynda saýda-oıyn saýyq ortalyǵyna kelýshiler sany ótken jyldyń sáıkes kezeńimen salystyrǵanda 9% -ǵa artqan.
ALMATY
