Samuryq-Qazyna» UÁQ» AQ basqarma tóraǵasy Ahmetjan Esimov jańa avıatasymaldaýshynyń jumysyn joǵary baǵalap, onyń Qazaqstandaǵy avıasııalyq salasyndaǵy mańyzdylyǵyn atap ótti.
«Avıatasymal naryǵynda jańa oıynshynyń paıda bolýy jolaýshylarǵa qyzmet kórsetý sapasyn jaqsartýǵa múmkindik beredi. Bul loýkosterdi qurý týraly bastamany Elbasy qoldady. FlyArystan qyzmetteri men baǵalary kóp adamdar úshin áýe tasymaly qyzmetteriniń qoljetimdiligine jáne óńirler arasyndaǵy mobıldilikti arttyrýǵa baǵyttalǵan. Alǵashqy bıletterdiń satylymy jurshylyq arasynda óte úlken qyzyǵýshylyq tanytty. Jumysty osy qalypta jalǵastyrý kerek. Geografııalyq jáne ushý qarqynynyń keńeıýi óńirlerdiń áleýmettik damýyna oń áserin tıgizedi»,- dep atap ótti A. Esimov.
Sonymen qatar, «Eır Astana» avıakompanııasynyń prezıdenti Pıter Foster endi qazaqstandyqtar loýkosterdiń kómegimen jıi jáne arzan baǵaǵa saıahattaı alatynyn atap ótti.
«Qazaqstannyń ishki baǵyttarymen qatar, biz halyqaralyq baǵyttarda da jolaýshylar tasymalynyń aıtarlyqtaı ósýin kútip otyrmyz. О́ıtkeni, ýaqyt óte kele, biz basqa elderge de ushýdy josparlap otyrmyz. Oǵan deıin biz búkil Qazaqstan boıynsha qoljetimdi reısterdi usynýǵa daıynbyz jáne FlyArystan aımaqtyq ekonomıkanyń damýyna eleýli úles qosatynyna senemiz»,- dedi P. Foster.
Atap ótken jón, 2019 jyldyń 29 naýryzynan bastap FlyArystan kompanııasy Almaty-Taraz-Almaty jáne Almaty-Oral-Almaty baǵyttary boıynsha bılet satýdy bastady. Sodan keıin, ońtústik astanadan Nur-Sultan men Qaraǵandyǵa, odan keıin Almatydan Pavlodarǵa jáne Shymkentke ushatyn reısterdiń ashylýy týraly jarııalady. Birinshi qazaqstandyq loýkosterdiń reısterine bıletterdi flyarystan.com saıtynan taba alasyz.
Loýkosterdiń qurylatyny jaıly «Eır Astana» kompanııasy 2018 jyldyń 7 qarashasynda málimdedi. FlyArystan jańa tasymaldaýshylarmen jolaýshylar sheńberin keńeıtý arqyly jańa aýdıtorııa tartýdy josparlap otyr.
Aıta keteıik, Qazaqstan Respýblıkasynyń birinshi prezıdenti Nursultan Nazarbaev turǵyndarǵa áýe tasymaly qyzmetteriniń qoljetimdiligin arttyrýdyń mańyzdylyǵyn atap ótti jáne «Eır Astana» áýe kompanııasy bazasynda bıýdjettik áýe kompanııasyn qurýdy tapsyrdy.
