«Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsııalyq zańynyń 11-babyna sáıkes Parlament Senatynda jańa konsýltatıvtik - keńesshi organ-Bıýdjet zańnamasyn jetildirý jónindegi keńes quryldy.
Keńes quramyna Senat depýtattary, Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Natalıa Godýnova, ulttyq ekonomıka mınıstri R.Dálenov, qarjy mınıstriniń birinshi orynbasary B.Sholpanqulov jáne basqalar endi.
Keńestiń negizgi mindetteriniń biri bıýdjet prosesiniń tıimdiligin arttyrý, bıýdjetti qalyptastyrý úderisterin qaıta qaraý, bıýdjetaralyq qatynastardy jetildirý boıynsha usynymdar ázirleý, sondaı-aq bıýdjet úderisterine barlyq qatysýshylarmen Parlamenttiń ózara is-qımylyn kúsheıtý jónindegi máseleni qaraý bolyp tabylady.
Búgin Darıǵa Nazarbaevanyń tóraǵalyq etýimen Keńestiń birinshi otyrysy ótti.
Ulttyq ekonomıka mınıstri Rýslan Dálenov senatorlarǵa osy salany jetildirý josparlary týraly aıtyp berdi. Olardyń ishinde strategııalyq josparlaýdyń jańa nysandaryn engizý, jumsalǵan shyǵystardyń ekonomıkalyq qaıtarymyn baǵalaý, óńirlerdiń damýyn yntalandyrý úshin bıýdjettik qatynastardy jetildirý taqyryptary bar.
Senat Tóraǵasy aımaqtardyń salalyq erekshelikterin eskere otyryp, shaǵyn jáne orta bıznesti damytýǵa, óńirlerdiń «muqtajdyq kartasyn» ázirleýge, bıýdjet qarajatyn tıimsiz paıdalanǵany úshin qylmystyq jaýaptylyqty birge ala otyryp, jaýapkershilikti kúsheıtýge, esep komıtetiniń rólin nyǵaıtýǵa, halyqty jumyspen qamtý baǵdarlamasyn qaıta qurýǵa, bıýdjet jylyn qaıta qaraýǵa baǵyttalǵan birqatar syn-eskertpeler men usynystar aıtty.
Darıǵa Nazarbaeva Ulttyq ekonomıka mınıstrligine 17 maýsymǵa deıin keńes otyrysy barysynda aıtylǵan usynystardy eskere otyryp, bıýdjet zańnamasyn jetildirý jónindegi sharalardy iske asyrý jónindegi Jol kartasynyń jobasyn ázirleýdi usyndy. Ol úshin arnaıy jumys toby quryldy.
