Onyń alǵashqy legi, atap aıtqanda, 6 mıllıon sıg tuqymdas balyqtyń dernásilderi Esil ózenine bosatyldy. Olar ýyldyryq túrinde ákelinip, jarty jyl boıy «Veısa» apparattary arqyly ınkýbasııalyq sehta ósirilipti. Petropavl balyq pıtomnıginiń dırektory Erjan Jumabaevtyń sózine qaraǵanda, bul maqsat úshin respýblıkalyq qazynadan 42 mıllıon teńge bólingen. Tasymaldaýǵa arnalǵan 59 polıetılendi paketterdiń árqaısysyna 100 myńdaı shabaq salynyp, ottegimen toltyrylyp, barlyq úrdis arnaıy qurylǵan komıssııanyń baqylaýynda bolǵan.
«Statıstıka boıynsha balyq pıtomnıginde ósirilgen dernásilderdiń 30 prosenti ǵana aman qalady eken. Tabıǵı orta úshin da bul qalypty kórsetkish deıdi» deıdi Tabıǵı resýrstar jáne tabıǵatty paıdalanýdy retteý basqarmasynyń bólim jetekshisi Erlan Táshimov.
Al qyrkúıek aıynyń sońynda Petropavl balyq pıtomnıginiń qyzmetkerleri Esil ózeniniń sý qoımalaryna tuqy shabaqtaryn jiberýdi bastaıdy. Memlekettik tapsyrys – 1 mıllıon 66 myń.
Budan tysqary kólderdi jalǵa alǵan kásipkerlerdiń suranystary jáne bar.
