Atqarylmaǵan jumysqa aqsha tólegen
Juma, 24 mamyr 2013 1:23
Qostanaı kommýnaldyq kásiporny basshysyna qylmystyq aıyp taǵyldy
Qostanaı oblystyq prokýratýrasynda baspasóz máslıhaty ótkizilip, onda qalalyq turǵyn úı-kommýnaldyq kásipornynyń burynǵy bastyǵy Aleksandr Maklıýkke qatysty istiń tergelý barysy habardar etildi.
Baspasóz máslıhaty barysynda kommýnaldyq mekemeniń burynǵy bastyǵyna qatysty qozǵalǵan 4 qylmystyq istiń bir óndiriske jınaqtalǵany aıtyldy.
Juma, 24 mamyr 2013 1:23
Qostanaı kommýnaldyq kásiporny basshysyna qylmystyq aıyp taǵyldy
Qostanaı oblystyq prokýratýrasynda baspasóz máslıhaty ótkizilip, onda qalalyq turǵyn úı-kommýnaldyq kásipornynyń burynǵy bastyǵy Aleksandr Maklıýkke qatysty istiń tergelý barysy habardar etildi.
Baspasóz máslıhaty barysynda kommýnaldyq mekemeniń burynǵy bastyǵyna qatysty qozǵalǵan 4 qylmystyq istiń bir óndiriske jınaqtalǵany aıtyldy.
«Qylmystyq is qozǵaýda Maklıýktiń 2009 jyldyń 10 qarashasynda «Qostanaı Sý» MKK súzgiler blogy tundyrmasynyń birinshi kezektegi sý tazartqysh qurylysyna kúrdeli jóndeý júrgizý» nysanynyń joba-smetalyq qujattamasyn jasaý týrasynda «Vıst» JShS-men kelisim jasasýy negiz boldy. Kelisimshartqa sáıkes, jumysqa aqy tóleý tapsyrý-qabyldaý aktisinen, oryndalǵan jumys pen oǵan memlekettik saraptama oń baǵa bergennen keıin júrgizilýi tıis edi. Osymen birge, «Vıst» JShS jumys jobasyn 2010 jylǵy sáýirde daıyn etti. Al «Qostanaı memlekettik saraptama» mekemesi qorytyndyny 2010 jylǵy 22 maýsymda berip, jobany memlekettik normatıvke saı kelmeıdi dep sheshti. Saraptama jańa joba jasaýdy usyndy. Soǵan qaramastan, turǵyn úı-kommýnaldyq kásipornynyń burynǵy bastyǵy «Vıst» JShS-na 11 050 000 teńge aqshany aýdaryp jibergen», – dedi oblystyq prokýratýranyń bólim bastyǵy Erkin Táıkeshov.
Bul faktige baılanysty qylmystyq is atalǵan másele ekonomıkalyq sotta qaralǵannan keıin qozǵalǵan. Al Aleksandr Maklıýk qala ákimdigindegi basqa jumysqa aýystyrylǵan kezde, turǵyn úı-kommýnaldyq bólimi tólenip ketken aqshany qaıtaryp aldyrý jóninde talap-aryz bergen. Proseske qatysyp otyrǵan prokýror istiń oryndalýy men aqsha tóleý merzimderiniń sáıkes kelmeıtinine kóńil bólip, másele kótergen. Aleksandr Maklıýkke qatysty qylmystyq istiń ekinshi epızody onyń Qostanaı qalasy ákimdigi qurylys bóliminiń bastyǵy bolǵan kezindegi jumystaryna qatysty. 2012 jyly ol «TAUPROJEKT» JShS-na atqarmaǵan jumystary úshin jalǵan akt toltyryp, kásiporynǵa 2 126 500 teńge aqsha tólegen.
Qurysh NURYMBET.
