Kezdesý barysynda B. Atamqulov demokratııalyq ınstıtýttardy damytýdyń jáne Qazaqstandaǵy quqyq ústemdigin nyǵaıtýdyń údemeli sıpatyn atap ótip, qazirgi tańda DIAQB-men yntymaqtastyqtyń deńgeıin joǵary baǵalap, bolashaqta Bıýro qyzmetiniń túrli aspektileri boıynsha eń tyǵyz ózara is-qımyl jasaýǵa daıyn ekendigin atap ótti.
О́z kezeginde, I.Gısladottır Uıymǵa qyzmet etýdiń úshinshi gýmanıtarlyq ólshemi
sheńberinde kóptegen jyldar boıy syndarly yntymaqtastyqqa Qazaqstanǵa alǵysyn
bildirdi, bul DIAQB «EQYU-ǵa múshe-memleketterdiń osy ólshemde olarǵa kómektesý
úshin qurǵan quraly jáne ony belsendi túrde paıdalaný qajet» ekenin atap ótti.
DIAQB dırektory Qazaqstan tarapynan «Musylmandarǵa qarsy tózimsizdikke qarsy
kúres: muǵalimder úshin materıaldar» jáne «BAQ-taǵy musylmandar úshin: úlken
teńgerim men áralýandylyq» taqyrybyndaǵy DIAQB-nyń eki bıýdjettik emes
jobalaryna bastamashylyqty qoldady.
Osy turǵyda B. Atamqulov Qazaqstannyń eldegi etnosaralyq jáne
konfessııaaralyq kelisimdi saqtaý jáne nyǵaıtý jónindegi tájirıbesi, Qazaqstan
halqy Assambleıasynyń qyzmeti jáne osy saladaǵy negizgi halyqaralyq bastamalar
týraly QR Tuńǵysh Prezıdenti – Elbasy Nursultan Nazarbaevtyń Álemdik jáne
dástúrli dinder lıderleriniń Sezin ótkizý týraly habardar etti. Kezdesý
barysynda dinı radıkalızm ıdeıalarynyń taralýyna jol bermeý boıynsha memlekettiń
keshendi kúsh-jigerine nazar aýdaryldy.
Qazaqstandaǵy aldaǵy prezıdenttik saılaý týraly aıta kele, taraptar bizdiń elimizdegi EQYU DIAQB jelisi boıynsha halyqaralyq baqylaýshylar qyzmetiniń praktıkalyq aspektilerin talqylady.
B. Atamqulov Qazaqstanǵa kelip, 22 uzaq merzimdi jáne 300 qysqa merzimdi baqylaýshy jumysyn úılestiretin mıssııa basshysy Ýrsýla Gasekpen ashyq ózara is-qımyl jasaýǵa qazaqstandyq taraptyń daıyn ekendigin aıtty. О́z kezeginde I. Gısladottır Qazaqstannyń Syrtqy ister mınıstrligi men Ortalyq saılaý komıssııasymen yntymaqtastyqqa oń baǵa berdi jáne DIAQB elektoraldy prosesti ashyq jáne tıimdi baǵalaý qabiletine senim bildirdi.
Suhbattasýshylar aldaǵy elektoraldy kezeńde de, keıinnen de osyndaı yntymaqtastyqtyń naqty baǵyttary men aldaǵy kezdesýlerdiń josparlaryn belgileı otyryp, syndarly jáne múddeli ózara is-qımyldy jalǵastyrýǵa ekijaqty umtylysty rastady.
