«Meniń túsinigimdegi ádilet - zańnyń saltanat qurýy. Memlekettik sheneýnikter de, quqyq qorǵaý organdarynyń qyzmetkerleri de - barlyǵy zańǵa baǵynýy kerek. Sondaı-aq, zańdy el azamattary da saqtaýy tıis. Zań bárine birdeı. Qandaı da bir syn aıtý da zań aıasynda bolýy tıis. Adamdardyń jınalýyna qatysty aıtar bolsaq, ol da ruqsatpen bolýy shart. Sondyqtan, men bizdiń elde zańdardyń saqtalatynyn qatań eskertemin», - deıdi Qasym-Jomart Toqaev.
Aıta ketsek, búgin QR Bas prokýrorynyń orynbasary Bolat Dembaev «Prokýratýra týraly» Zańnyń 31-babynyń tártibinde úndeý jarııalaǵan bolatyn.
«Áleýmettik jeliler men messendjerlerde 9 mamyrda zańsyz mıtıngke qatysýǵa úgitteý júrip jatyr. Bas prokýratýra budan buryn osyndaı zańsyz jarııaly aksııalar uıymdastyrǵan jáne qatysqandar jaýapqa tartylatynyn eskertken bolatyn. Alaıda 1 mamyrda keıbir azamattar ýákiletti memlekettik organdar qyzmetkerleri eskertýin elemeı, zańsyz mıtıngilerge shyǵyp, ákimshilik jaýapqa tartyldy. Olardyń quqyqtyq tártipke qaıshy is-áreketterinen azamattardyń demalýyna jáne tynyshtyǵyna qaýip tóndi», - delingen úndeýde.
