Rýhanııat • 09 Mamyr, 2019

Qaısar qartqa qurmet

1172 ret kórsetildi

Myna bir fotony kórgen jan eriksiz oılanary haq. Kórik keýdesi ordenge toly, eńsesi elden bıik, júzinde araıly shýaq, boıynda qajyrly qýat... biraq adymdap basatyn, asýdan irkilmeı asatyn eki aıaǵy belýardan joq soǵys ardageri jyljymaly taqtaısha ústinde qos qolymen jer syzyp, qaıqaıa shapqan qaragerdeı ilgeri tartyp keledi. Qarııanyń qaıratyna tamsanǵan tórt teńizshi-sarbaz qoldaryn samaılaryna kóterip, tik turyp qurmet kórsetýde.

Fotodaǵy ardagerdiń aty – Anatolıı Leopoldovıch Golımbıevskıı. 1921 jyly 15 shilde kúni Peterborda týyp, 2001 jyly dúnıeden ótken. Ekinshi dúnıejúzilik soǵystyń ardageri. Reseılik aqparat kózderinen alynǵan derekke úńilsek, Anatolıı aqsaqal 1943 jyly aqpan aıynda Novorossıısk qala­synyń mańyndaǵy «Kishi Jer» úshin bolǵan shaıqasqa qatysyp, «Soobrazıtelnyı» esmınsasynda qyzmet etken. Qysqasy, Semesski buǵa­zyn­daǵy qyrǵynda eki aıaqtan aıyrylsa da, aman qalǵan az jaýyngerdiń biri. 

Al myna ózderińiz kó­rip otyrǵan fotobeıne 1989 jyly 9 mamyr kúni Le­nıngradtyń keme toqtaı­tyn teńiz aılaǵynda túsi­rilipti. Sýretti túsirgen Lenın­grad memlekettik ýnıver­sıtetiniń túlegi, foto­jýr­nalıst, sol tusta «Le­nın­gradskaıa pravda» gaze­tiniń qyzmetkeri Ivan Kýr­tov. Ardagerge qurmet kórse­tip turǵan tórt jigit Admıral Nahımov atyndaǵy parohodtyń jaýyngerleri.

Sýret áýeli «Lenınskoe znamıa», «Smena», «Lenın­grad­skaıa pravda» basylym­darynda jarııalanyp, sońynan ITAR-TASS ar­qyly «Áskerı-teńiz flo­tynyń ardageri Anatolıı Go­lımbıevskııge sálem» degen atpen dúnıe júzine taraǵan. Fotobeıne 1990 jyly World Press Photo atty halyqaralyq bedeli zor kórmede birinshi orynǵa ıe bolyp, avtory «Zolotoı glaz» («Altyn kóz») syılyǵyn jeńip alypty.
Sońǵy jańalyqtar

Almatynyń ońtústiginde jer silkindi

Aımaqtar • Búgin, 17:38

Almatyda qurylys krany qulady

Oqıǵa • Búgin, 14:21

Aýǵanstanda jarylys boldy

Álem • Búgin, 12:21

Álemdegi eń úlken muzdyq erip ketti

Ekologııa • Búgin, 11:05

Uqsas jańalyqtar