Bul aýqymdy saıası naýqanǵa Qazaqstan Prezıdenttigine kandıdat Qasym-Jomart Toqaevtyń Respýblıkalyq, aımaqtyq jáne aýmaqtyq deńgeıdegi barlyq qoǵamdyq shtabtary tas-túıin daıyn. Elimiz boıynsha Kandıdatymyzdyń 19,5 myń senimdi ókili erekshe ekpinmen jumys isteýge bel býyp otyr, dedi Nur Otan partıasynyń birinshi orynbasary Máýlen Áshimbaev.
Partııa úgit-nasıhat jumystaryn kreatıvti, tıimdi, júıeli túrde júrgizip, bul iste áleýmettik jelilerdiń áleýetin keńinen paıdalanatyndyǵy jaıynda atap ótti.
Soǵan oraı kúndelikti jumystary týraly aqparattar Respýblıkalyq qoǵamdyq shtabtyń Facebook, Instagram, Telegram, YouTube jáne VKontakte jelilerindegi paraqshalary men arnalarynda jedel jarııalanyp turady. Aıta ketetini www.toqaev2019.kz arnaıy saıty da iske qosyldy.
Eń bastysy, partııa saılaýdyń ashyq, ádil ári zań talaptaryna saı ótýi úshin barlyq sharalardy jasaıtynyn málimdedi.
