Kásiporyn ujymy Espaevanyń áleýmettik ónim kásipkerlerine (tamaq ónimderi, kıim-keshek, balalarǵa arnalǵan taýarlar) arnalǵan salyqty tómendetý, bıznes nesıeleýdiń ústemaqysyn tómendetý jáne nesıe merzimin uzartý týraly baǵdarlamalyq usynystaryna rızalyǵyn bildirdi.
Dánııa Espaeva men onyń shtab músheleri kezdesý barysynda qoıylǵan suraqtarǵa jaýap berdi.
Kásiporyn jumyskerleriniń kóp bóligi áıelderden turatyndyqtan kezdesýde zeınetkerlik jasqa baılanysty saýaldar qoıyldy. Sonymen qatar qalada tirkeýi joq kópbalaly otbasylardyń járdemaqy jáne baspana alý múmkinshiligi týraly sóz qozǵaldy. Kombınatta ondaı analardyń sany kóp eken – olar úı jaldaǵanymen, úı qojaıyndary olardy tirkeýge alǵysy kelmeıdi.
Shtab jetekshisi Azat Perýashev óz kezeginde IIM ókilderiniń tirkeýge alý máselesi boıynsha - tirkeýde joq azamattardyń jumys orny arqyly tirkeýge alyný múmkindigin qarastyratynyn málimdegenin eske túsirdi.
«Bul máseleni qarastyrýǵa ýáde beremin. Kóptegen kásiporyndardyń jumyskerleri qalada tirkelmegen aýyldyń azamattary. Olardyń sany – ujymnyń jartysy da bolýy múmkin. Eger olardy jumystan shyǵarsaq – kásiporyndardyń jumysy toqtaıdy», - dedi Espaeva óz kezeginde.
