Shahardaǵy «Aınabulaq» yqshamaýdanyndaǵy saýda ortalyqtarynyń birinde ornalasqan áleýmettik ortalyq apta boıy tańǵy 9.00-den keshke deıin úzilissiz jumys isteıdi. Munda jańa týǵan sábılerden bastap qart adamdarǵa arnalǵan túrli kıim-keshekterdiń, oıynshyq jáne gıgıenalyq zattardyń túr-túrin tabýǵa bolady. Qaıyrymdylyq maqsattaǵy ıgi bastamany ákimdik qyzmetkerlerimen qatar kásipkerler men eriktiler qaýymy qolǵa alǵan. Meıirimdi jandardan jınalǵan kıimder iriktelip, arnaıy tazalaýdan ótkennen keıin ǵana dúken sóresine qoıylady.
«Bul iske bastapqyda turǵyndardyń ózderi atsalysqan, bir jaǵynan memleket kómektesse, ekinshi jaǵynan qoǵam da qamqorlyǵyn kórsetip jatyr. Atap aıtqanda, kıim jınaý, ony iriktep, jaqsylaryn muqtaj jandarǵa taratyp berý sekildi jumystar atqarylýda. Osy jumystardyń negizinde áleýmettik dúkendi ashyp otyrmyz. Muqtaj jandar kelip, bul jerden ózine qajettisin alyp kete alady. Sondaı-aq bul áleýmettik dúkenge iske jaramdy zattardy kómek retinde ótkizýge bolady», deıdi Jetisý aýdany ákiminiń orynbasary Vıacheslav Vavılın.
