Elimizde bastaý alǵan BIRGE jalpyulttyq aksııasy aıasynda el halqynyń usynystary men tilekteri kandıdattyń senimdi ókilderi arqyly jınalatyn bolady. «Bul aksııa Qazaqstannyń odan ári tabysty damýyna, Elbasy – Qazaqstan Respýblıkasynyń Tuńǵysh Prezıdenti, Nur Otan partııasynyń Tóraǵasy Nursultan Nazarbaevtyń strategııalyq baǵytynyń sabaqtastyǵy aıasynda atqarylady», dedi Ulasbek Sádibekuly.
Aksııa aıasynda senimdi ókilder saılaýshylardyń usynystary men tilekterin kandıdattyń tıisti oblystaǵy, aýdandaǵy, qaladaǵy qoǵamdyq qabyldaý bólmesi arqyly, mobıldik úgit toptarynyń jumystary kezinde qabyldaıdy. Sondaı-aq «Esikten esikke» aksııasy aıasynda jáne saılaýshylarmen kezdesýlerde partııa belsendileri men kandıdattyń senimdi ókilderi arqyly arnaıy paraqshalarda jınalatyn bolady. Shtab tóraǵasynyń aıtýynsha, árbir usynys, tilek taldanyp, Qazaqstan Respýblıkasynyń Prezıdenttigine Nur Otan partııasynyń atynan usynylǵan kandıdat Qasym-Jomart Kemeluly Toqaevtyń saılaýaldy baǵdarlamasyndaǵy basymdyqtardy júzege asyrý jolynda eskeriletin bolady. Aksııa 13 mamyr men 7 maýsym aralyǵynda ótkizilmek.
Jıyn sońynda Ulasbek Sádibekuly Túrkistan oblysynyń turǵyndaryn BIRGE jalpyulttyq aksııasyna belsendi túrde qatysýǵa shaqyrdy. Al belsendi jastar halyq kóp shoǵyrlanǵan oryndarda turǵyndardyń usynys-tilekterin jınady.
