Jıyrmaǵa jýyq elden sportshylar qatysqan dúbirli básekede Túrkistan oblysynyń sportshylary 2 altyn jáne 2 kúmis medalǵa qol jetkizdi. Sondaı-aq Taılandta ótken bokstan eresekter arasyndaǵy Azııa chempıonatynda túrkistandyq Bek Nurmaǵanbet jeńimpaz atandy.
Bul óńir sportshylarynyń sońǵy aılardaǵy ǵana jetistigi. El abyroıyn asqaqtatyp júrgen sportshylar men bapkerler Túrkistan oblysynyń ákimi О́mirzaq Shókeevpen kezdesti. Olardyń qatarynda bokstan QR eńbegi sińgen jattyqtyrýshy Myrzaǵalı Aıtjanov, toǵyzqumalaqtan QR eńbegi sińgen jattyqtyrýshy Kamıla Kópbaeva, bokstan QR halyqaralyq dárejedegi sport sheberi, Azııa chempıony Bek Nurmaǵanbet, toǵyzqumalaqtan QR eńbegi sińgen sport sheberi Ásel Dalıeva, toǵyzqumalaqtan QR halyqaralyq dárejedegi sport sheberi, Álem chempıony Lına Karımova jáne toǵyzqumalaqtan sport sheberi, Álem chempıonatynyń kúmis júldegeri Saıat Jandarbek bar. Oblys ákimi elimizdiń abyroıyn asqaqtatqan sportshylar men bilikti jattyqtyrýshylarǵa qurmet kórsetip, syı-sııapat jasady. О́z kezeginde sportshylar óńir basshysyna rızashylyqtaryn bildirip, aldaǵy baıraqty básekelerde jeńisti joldy jalǵastyrýǵa kúsh salatyndaryn jetkizdi.
Túrkistan oblysy
