Aımaqtar • 16 Mamyr, 2019

Almatyda respýblıkalyq pedagogıkalyq bos jumys oryndary jármeńkesi ótedi

831 ret kórsetildi

Juma, ıaǵnı 17 mamyr kúni Almatyda Qazaq ulttyq qyzdar pedagogıkalyq ýnıversıtetinde «Jas maman» respýblıkalyq bos jumys oryndary jármeńkesi ótedi.

Bilim jáne ǵylym mınıstrliginiń uıytqy bolýymen tuńǵysh ret uıymdastyrylyp otyrǵan shara pedagogıkalyq mamandyqtar boıynsha bilim alǵan túlekterdi jumyspen qamtýǵa arnalǵan. Jármeńkege 150-den astam jumys berýshi qatyspaq. Olardyń qatarynda joǵary jáne orta arnaýly oqý oryndary, qalalyq, aýdandyq bilim basqarmalary, jalpy bilim berý uıymdary men Nazarbaev zııatkerlik mektepteri bar.

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda joǵary oqý ornynyń tabystylyǵyn baǵalaýdyń basty ólshemi – oqý bitirgen stýdentterdiń jumyspen qamtylýy, jalaqysy joǵary jumysqa ornalasýy ekendigin atap ótken bolatyn. Osy oraıda pedagogıkalyq mamandyqtar boıynsha bos jumys oryndary jármeńkesi jastar arasynda jumyssyzdyq máselesin ońtaıly sheshýdiń bir tetigi bolyp otyr, búginde. Sonymen qatar bul shara ustaz bedeliniń qoǵamdaǵy rólin kóterýge de óz septigin tıgizbek.

Uıymdastyrýshylardyń aıtýynsha, jármeńke pedagogıkalyq, gýmanıtarlyq, jaratylystaný jáne óner salasynda mamandar daıarlaýdyń jekelegen baǵyttary boıynsha ótkizilmek. Jıyn barysynda stýdentter bilim, ǵylym, óner jáne sporttaǵy jetistikteri jaıly arnaıy portfolıolary kórmesin ótkizip, tusaýkeser jasaıdy.

Jármeńke joǵary oqý oryndary túlekterine ózderiniń mamandyǵyna sáıkes bos jumys oryndary týraly málimet alýǵa múmkindik týdyrsa, al jumys berýshiler úshin jas mamandardyń iskerlik qasıetin baǵalap, bilimi men biliktiligin anyqtaýǵa septesedi.

Shara aıasynda «Eńbek naryǵyndaǵy suranys jáne áleýetti jumys berýshilermen yntymaqtastyq» taqyrybynda jıyn ótedi. Alqaly basqosýda joǵary oqý oryndarynyń ókilderi men jumys berýshiler túlekterdi jumyspen qamtýdyń máselesin talqylap, ózara kelisim jasamaq. Sondaı-aq «Head  hunter» kompanııasynyń ókilderi taqyryp týrasynda jáne mansapty qurý maqsatynda arnaıy sheberlik synybyn júrgizedi.

Sońǵy jańalyqtar

Qyzylordada 19 toı toqtatyldy

Aımaqtar • Keshe

Aq besikte terbetken

Rýhanııat • Keshe

Qazaqstanda dollar arzandady

Qazaqstan • Keshe

El múddesi – erge syn

Rýhanııat • Keshe

Uqsas jańalyqtar