Ortalyq saılaý komıssııasy múshelerimen kezdesýge TMD PAA halyqaralyq baıqaýshylary, TMD PAA Demokratııa, parlamentarızm jáne azamattardyń saılaý quqyǵyn saqtaý jónindegi halyqaralyq baqylaý ınstıtýty (DDMHI) dırektorynyń orynbasary E.Goloýlına, DDMHI saraptama tobynyń basshysy S.Tkachenko, DDMHI saılaýdy monıtorıngileý bóliminiń keńesshisi T.Shýlgına keldi.
Olardy Ortalyq saılaý komıssııasynyń músheleri Záýresh Baımoldına men Baqyt Meldeshov Qazaqstan Respýblıkasyndaǵy saılaý organdarynyń bıylǵy 10 sáýirden bastap, 9 mamyrǵa deıingi ótken jáne ótetin is-sharalarymen tanystyrdy. Sonyń ishinde Ortalyq saılaý komıssııasynyń músheleri kezdesý barysynda saılaý naýqanynyń barlyq kezeńderi týraly naqty baıandady. Oǵan qosa, kelgen baıqaýshylar tobyn Qazaqstan Respýblıkasy Prezıdentiniń kezekten tys saılaýyn ázirleý jónindegi negizgi is-sharalardyń kúntizbelik josparymen de habardar etti. Soǵan baılanysty atalǵan naýqannyń negizgi kezeńderin, ıaǵnı usyný, tirkeý, saılaý aldyndaǵy úgit pen daýys berý kúnin kórsete otyryp, atqarylyp jatqan aýqymdy jumystar týraly habardar etti.
Sonymen qatar Táýelsiz Memleketter Dostastyǵy qatysýshy memleketterdiń Parlamentaralyq Assambleıasy demokratııany, parlamentarızmdi damytý jáne TMD PA qatysýshy memleketter azamattarynyń saılaý quqyqtaryn saqtaý halyqaralyq monıtorıng ınstıtýty ókilderi 2017-2018 jyldary engizilgen saılaý zańnamasyndaǵy negizgi ózgerister týraly, sonyń ishinde saılaý aldyndaǵy úgitke, saılaý naýqanyn qarjylandyrýǵa qatysty jańa erejeler jáne basqa da aqparattarmen qamtamasyz etildi. Al TMD PAA DDMHI dırektorynyń orynbasary E.Goloýlına, qazirgi ýaqytta saılaý naýqany óte ashyq ári barlyq zań talaptaryna saı ótip jatqanyn jáne soǵan ózderiniń rızashylyqtaryn jetkizetindiginen habardar etti.
Jalpy TMD Parlamentaralyq Assambleıasy (TMD PAA) – Táýelsiz memleketter Dostastyǵynyń joǵarǵy zańshyǵarýshy úılestirýshi organy. Parlamentaralyq Assambleıasy quramyna Táýelsiz memleketter dostastyǵynyń barlyq 12 eliniń ókili bolyp tabylatyn parlamentshiler kiredi. Parlamentaralyq Assambleıanyń negizgi mindeti – TMD elderiniń ulttyq zańnamalaryn úılestirý. Úlgi zańdar, tikeleı yqpaly bolmasa da TMD elderiniń ulttyq zańdaryn jasaýda biryńǵaı kórsetkish bolyp tabylady. Assambleıa sondaı-aq TMD memleketteriniń áriptestigi, ózara yqpaldasýy, qarym-qatynastarynyń damýyna baǵyttalǵan birqatar saıası, ekonomıkalyq, mádenı salalardaǵy máselelerdi qarastyrady.
