Ol bul qyzmetti 2005 jyldan beri atqaryp kele jatqan Vadım Prısıajnıýktiń ornyna kelmek. Vadım Prısıajnıýktiń jetekshiligimen bizdiń komandamyz qurlyqtaǵy úzdikter qataryna endi. 2005 jyldan bastap burymdy boksshylarymyz álem chempıonattarynan bes altyn, tórt kúmis jáne jeti qola medal ıelengen. 2012 jylǵy Olımpıada oıyndarynda Marına Volnova, 2016 jylǵy Olımpıadada Darıǵa Shákimova qola júldeger atandy.
Bas bapker myqty quram jasaqtap, sportshylarymyz halyqaralyq týrnırlerde úzdikter qatarynan kórinji. Qazaqstan boks federasııasy uzaq jylǵy jemisti eńbegi men elimizdegi boksshylardy daıyndaýǵa qosqan úlesi úshin Vadım Prısıajıýkke alǵys bildirdi.
Sońǵy Azııa chempıonatynda bizdiń boksshy qyzdarymyz altyn men kúmis júldege jete almady. Osydan soń, bapkerler keńesi komandany daıyndaý úshin jańa kúsh, jańa baǵyt kerek dep sheshken.
Áıelder komandasynyń basshylyǵyna kelgen Erik Alǵabektiń eńbek ótili – 15 jyl. 2011-2016 jyldar aralyǵynda jasóspirim qyzdar men jastar komandasynyń bas bapkeri qyzmetin atqaryp, álem chempıonattarynan 4 altyn jáne 23 qola medal jeńip alýǵa septigin tıgizgen. 2011 jyldan beri Alǵabek olımpıadalyq daıarlaý ortalyǵynda aǵa bapker qyzmetin atqardy.
