«Igi iske bastama» qoǵamdyq birlestigin quryp, qaıyrymdylyq dúkenin ashty. Dúkenniń bir ereksheligi, áleýmettik jaǵynan az qamtylǵandarǵa azyq-túlik pen kıimder tegin beriledi. Kómekke muqtaj jandar tizimi «Atyraý Raýan» qoǵamdyq qorynan alynǵan. «Alaıda, bizge kelýshilerdiń kópshiligi azyq-túlik pen kıimnen góri qarjylaı kómek suraıdy, - deıdi kásipker. –Biri jalǵa alǵan páter aqshasyn tóleı almaı júrgenin aıtsa, endi birine emdelýge, dári-dármekke qarajat qajet. Ázirge ondaı kómek kórsetetin múmkindigimiz bolmaı tur, sondyqtan qoǵamdyq birlestik úshin arnaıy shot ashyp qoıdyq. Jaqsylyq jasaýǵa nıetti jandar bolsa, qýana qabyldaımyz».
Atyraý qalasyndaǵy «Úsh júz» saýda ortalyǵynan ashylǵan qaıyrymdylyq dúkeni dúısenbi men seısenbiden basqa kúnderi ashyq bolady. Al kómek alý úshin jeke kýálik, balalardyń týý týraly kýálikteri men múgedektikti rastaıtyn qujattar, mekenjaı anyqtamasy qajet.
Birlestik músheleri alǵa qaraı bilimderin jetildirip, memlekettik grant alý baıqaýlaryna qatysýdy, sol arqyly óz-ózderin qarjylandyrýdy kózdep otyr. Sol kezde ıgi isterdiń de kókjıegi keńeıer edi degen tilekte.
ATYRAÝ
