Aýyl sharýashylyǵy mınıstri Saparhan Omarov «Kazakhstan Global Investment Roundtable 2019» aıasynda «Dal Holding» kompanııasynyń prezıdenti Demırjan Kýse myrzamen kezdesti. Talqylaý taqyryby respýblıkanyń óńirlerinde joǵary tehnologııalyq jylyjaı kesheniniń qurylysy boldy.
2018 jyldyń 2 sáýirinen bastap «Dal Holding Investment CO» túrik kompanııasynyń ókilderi jumys saparymen Aqtóbe qalasyna keldi. Ákimdik bul jobany júzege asyrýǵa joǵary qyzyǵýshylyq tanytty.
2019 jyldyń aqpan aıynda Túrkistan aımaǵynda jobany iske asyrý úshin 245 gektar jer telimi bólindi. Bul kezeńde sáýlet-josparlaý tapsyrmasy alyndy, jer jumystary bastalǵanǵa deıin landshafty taldaý júrgizildi jáne t.b. Sondaı-aq, jobany júzege asyrý úshin gaz jáne elektr jelileri men aǵyndardy jer telimine qosý qajet. Qarjylandyrý máselesin sheshýmen qatar nesıelik jelilerdi ashý kezinde jobalyq tásildi qarastyrýǵa daıyn qarjy ınstıtýttaryn izdeý kerek.
Joǵaryda atalǵan máselelerdi sheshý 2019 jyldyń sońyna deıin jobalyq qujattamaǵa saraptama júrgizýdi, jer jumystaryn bastaýdy, qarjy ınstıtýttarymen kredıttik kelisimderge qol qoıýǵa jáne qurylys-montaj jumystaryn bastaýǵa múmkindik beredi.
