Sport • 20 Mamyr, 2019

Kambektiń dramalyq hıkaıasy

788 ret kórsetildi

Chempıondar lıgasynyń jartylaı fınaldaǵy birinshi kezdesýden keıin aǵylshyn komandalary fınalǵa shyǵatynyna sengender sırek. Jankúıerler «Barselona» men «Aıaks» arasyndaǵy fınaldyń ssenarııin oısha josparlap qoıǵan-dy. Biraq eki aǵylshyn klýby qarsylastarynyń «aıaǵyn aspannan keltirip», fınalǵa joldama aldy. Qarymta kezdesýdegi «Lıverpýl» men «Tottenhemniń» tamasha kambeginen keıin eki aǵylshyn klýby 7 jyldyq úzilisten soń Chempıondar lıgasynyń kýbogyn Anglııaǵa alyp qaıtatyn boldy.

Jalpy Chempıondar lıgasynyń bıylǵy maýsymynda fýtbol jan­kúıer­leri alty kambekke kýá boldy. Bul kam­bekterdiń ishindegi eń úzdigi «Aıaks» pen «Tottenhem» arasynda ótkenine esh­kim kúmán keltirmeıtin shyǵar. Tipti, «Lıverpýldiń» «Barselonaǵa» qarsy jasaǵan kambegi de bul kezdesýden keıin mańyzsyz bolyp qaldy. Sebebi «Aıaks» qarymta kezdesýdiń birinshi bóliginen keıin 2:0 esebimen alda kele jatqan edi. О́z alańynda bir gol, syrt alańda eki gol ótkizip alǵan aǵylshyn ko­mandasynda kelesi kezeńge shyǵýǵa múlde múmkindik qalmaǵan-dy. Biraq Pochettıno ekinshi taımda oıyn órnegin 180 gradýsqa ózgertip, «Tottenhem» ekinshi 45 mınýttyń ishinde kambek jasap ketti. 

Al Ispanııada ótken alǵashqy oıynda 3:0 esebimen jeńilgen aǵylshyn komandasy óz alańynda «Barselona» qaqpasyna jaýapsyz 4 gol soǵyp, tamasha kambek jasady.

Jalpy, fýtbolda kambek oqıǵasy jıi kezdesedi. Al sońǵy 15 jylda kambek-«Barselona» jáne kambek-«Lıverpýl» sózi bite qaınasyp, ekeýi egiz uǵym bolyp ketkendeı kórinedi. «Lıverpýl» klýbynyń 2005 jylǵy Chempıondar lıgasynyń fınalyndaǵy matchyn fýtbol jankúıerleri eshqashan umytpaıtyn shyǵar. Ystambulda ótken «Lıverpýl» men «Mılan» (Italııa) klýbtarynyń arasyndaǵy kezdesýdiń birinshi taımy 3:0 esebimen «Mılannyń» paıdasyna aıaqtaldy. Ekinshi taımda «Mılan» fýtbolshylarynyń erkinsigenin baıqaǵan «Lıverpýl» oıynshylary nebári 15 mınýttyń ishinde esepti 3:3-ke jetkizdi. Fınaldaǵy uly kambekti komanda kapıtany Stıven Djerrardtyń ózi bastap bergeni kúni keshe bolǵandaı áli jadymyzda...

Al «Barselona» klýby Chempıondar lıgasynyń sońǵy eki maýsymynda kam­bek­terdiń qurbany bolyp keledi. Ras, «Bar­selonanyń» da kambek jasaǵan kezderi kóp bolǵan. Biraq quramynda álemniń eń úzdik fýtbolshylary bar komanda qatarynan eki maýsym kambekpen jeńilýi aqylǵa qonymsyz oqıǵa bolyp tur. 

Rım «Barselona» úshin sáttilik syılaıtyn qala edi. 2009 jyly Gvardıola shákirtteri dál osy Rımde «MIý-di» jeńip, Chempıondar lıgasynyń bas júldesin jeńip alǵan-dy. Biraq Chempıondar lıgasynyń ótken maýsymynda Rım Messı men onyń komandalastary úshin óte sátsiz qalaǵa aınaldy. Jergilikti «Roma» komandasy týrnırdiń shırek fınalyndaǵy birinshi oıynynda «Barselonadan» 1:4 esebimen jeńilgenine qaramaı, óz alańynda ótken qarymta kezdesýde 3:0 nátıjesimen jeńiske jetip, katalonııalyqtardy básekeden shyǵaryp jibergen-di. Osy jeńilis pen jýyrda ǵana «Lıverpýlge» qarsy ótken oıyn bir-birine uqsap ketedi. Birinshiden, eki oıynda da «Barselonanyń» kelesi kezeńge shyǵý múmkindikteri joǵary bolatyn. Ekinshiden, «Barselona» eki oıynda da úsh gol aıyrmashylyǵymen jeńiske jetken. Úshinshiden, «Barselonany» jeńgen eki komandanyń qaqpasynda qaqpashy Alısson Beker turǵan.

Jalpy, árbir kambektiń ózine saı tarıhy bolady. Biraq olardy baılanystyryp turatyn bir nárseniń bolýy zańdylyq qoı. Biz sol zańdylyqtyń kiltin tapqandaı boldyq. Kez kelgen kambekte eki komanda da jan berip, jan alysyp oınamaıdy eken. Mindetti túrde bir komanda oıyndy óz qolyna alsa, ekinshi komanda jeńilisti óz qolymen berip qoıatyn sııaqty. 

Mundaı mysaldar tarıhta kóptep kezdesedi. 1999 jylǵy Chempıondar lıgasy fınalynyń sońǵy mınýttarynda «Bavarııa» oıyn taǵdyry sheshilip qoıdy dep oılap, dopty ońdy-soldy tebe berýi «MIý-di» kúsheıtip jibergen.

2016 jylǵy fınal. «Real» fýtbolshylary oıynnyń sońǵy mınýtynda «Atletıko» fýtbolshylarynyń kózinde jeńiske degen umytylystyń joq ekenin baıqap qoıdy. Ári qaraı match «Real» oıynshylarynyń benefısine aınaldy.  

Bıylǵy maýsymdaǵy PSJ-«MIý» oıy­ny da osy jaǵdaıǵa uqsas. Parıjdikter match sońyna deıin óte aýytqymaly esepte ekendikterin oılamaı, baryn salmaı oınaıdy. Nátıjesinde, «Manchester» bir shabýylynyń arqasynda «juldyzdar fabrıkasynyń» jazasyn berdi. 

«Realdyń» óz alańynda «Aıakstan» jeńil­gen matchy da biz aıtqan jaýap­syzdyqtan. «Qarsylasty óz alańynda jeńip keldiń be, onda óz alańyńda esh alańsyz oınaı ber», degen qaǵıda madrıdtikterdiń teorııasynda jıi kezdesetin sııaqty. Sol kezdesýde «Amsterdam balalary» fantastıkalyq oıyn kórsetken bolar, biraq bul oıyndaǵy jeńiske «Realdyń» shabýylda óte nashar oınaýy sebep boldy.

Qoryta aıtqanda, kambek jaıdan- jaı bolmaıdy. Matchty óte sylbyr, álsiz ótkizgen komanda ǵana jeńiliske ushyraıdy. «Manchester Sıtı» «Tot­tenhem» qoıǵan toqsaýyldan nege óte almaǵanyn endi túsingen bolarsyzdar. Sol oıynda londondyqtar biz aıtqan formýlaǵa túspeı, óte senimdi túrde «Manchester Sıtıdiń» ár golyna golmen jaýap bergeniniń arqasynda kelesi kezeńge ótti.

Bıylǵy maýsymnyń kambekteri

- «Aıaks» – «Tottenhem» – 2:3, 1:0 (qorytyndy esep – 3:3)

- «Lıverpýl» – «Barselona» – 4:0, 0:3 (qorytyndy esep – 4:3)

- PSJ – «MIý» – 1:3, 2:0 (qorytyndy esep – 3:3)

- «Manchester Sıtı» – «Tottenhem» – 4:3, 0:1 (qorytyndy esep – 4:4)

- «Iýventýs» – «Atletıko» – 3:0, 0:2 (qorytyndy esep – 3:2)

- «Real» – «Aıaks» – 1:4, 2:1 (qorytyndy esep – 3:5)
Sońǵy jańalyqtar

Qordyń qomaqty qoldaýy

Ekonomıka • Keshe

О́temaqyǵa ótinish ber

Ekonomıka • Keshe

Qymbatshylyq qaıda aparady?

Ekonomıka • Keshe

Otbasynda – 36 bala

Qoǵam • Keshe

Gazben tolyq qamtylǵan aýdan

Aımaqtar • Keshe

Sý basýdyń qaýip-qateri

Aımaqtar • Keshe

Tumaýdan saq bolyńyz!

Medısına • Keshe

Kúre joldaǵy apat

Aımaqtar • Keshe

Aqparattyq júıedegi aımaq

Aımaqtar • Keshe

Seni osylaı súıemin

Ádebıet • Keshe

Aǵash adam

Ádebıet • Keshe

Asyldyń synyǵy

Aımaqtar • Keshe

Uqsas jańalyqtar