Saltanatty rásim barysynda Baýyrjan Baıbek sońǵy 3 jyl ishinde turǵyn úıge zárý 9 myńnan astam otbasynyń baspanaly bolǵanyn, onyń ishine «Nurly Jer» baǵdarlamasynyń enetinin atap ótti. Olardyń teń jartysy – kópbalaly jáne tolyq emes otbasylar, jetim balalar, ardagerler, erekshe kútimdi qajet etetin jandar. Jaqyn arada taǵy 2 myńǵa jýyq almatylyq otbasy kópten kútken páterlerin alatyn bolady.
«Elbasy tapsyrmasymen biz kópbalaly otbasylarǵa keshendi qoldaý kórsetip kelemiz. 2 apta buryn ǵana Memleket basshysy Qasym-Jomart Toqaevtyń qatysýymen alǵashqy Analardy qoldaý ortalyǵy ashylyp, 1000-ǵa jýyq otbasy keńes aldy. 400-den astam búldirshin balabaqshaǵa tegin barýda. Úzdik oqýlary úshin 3 myńnan astam oqýshy men stýdent jergilikti bıýdjet esebinen naýryz aıynan bastap stıpendııa alýda. Jumyspen qamtý jáne jańa mamandyqtarǵa oqytý júrgizilýde», - dedi Baýyrjan Baıbek.
«Baqytty otbasy» baǵdarlamasyna qatysý úshin berilgen ótinish bir aı ishinde onlaın-rejımde http://www.baqytty-otbasy.kz portalynda qabyldandy. Budan soń qala ákimdigi qujattardy tekserip, jeńildetilgen nesıege úmitkerlerdiń tizimin bekitip, TÚJQB jibergen.
О́tinishter saraptamasy «Baqytty otbasy» baǵdarlamasyna qatysýshylardyń basym bóliginiń 2016-2018 jyldary páter kezegine turǵandyǵyn jáne kezekte 6-10 myńynshy ekenin, olardyń páterdi kem degende 5-6 jyldan soń ǵana alatynyn kórsetti. Al qalalyq baǵdarlama olarǵa jańa páterdi búgin alýǵa múmkindik berip otyr.
Almatyda úı kezegindegi 1276 kópbalaly otbasylardyń teń jartysynan kóbi jeńildetilgen turǵyn úı baǵdarlamasyn ótinish berdi. Qazirgi kezde 195 kópbalaly otbasy bankte páter qujattaryn rásimdeýde, 44 otbasy satyp alý kelisimin jasap, turǵyn úı sertıfıkattaryn aldy.
«Qazirgi kezde «Turǵynúıqurylysjınaq» banki 345 otbasydan nesıe ótinishin qabyldady, olardyń ishinde 195 otbasy páterlerdi tapty, endi zaem rásimdeýge daıyndalýda. Búgingi kúni 12 kópbalaly otbasyǵa jalpy somasy 163 mln teńge bolatyn nesıe berildi, biz olardy quttyqtaımyz. Zaemdy olar elimizdegi eń tómengi 2% mólsherlememen aldy, alǵashqy jarna kólemi 10%. Alǵashqy jarnany tóleı almaǵandarǵa Almaty ákimdigi kómektesti, bir mıllıon teńge kóleminde turǵyn úı sertıfıkattaryn berdi», - dep túsindirdi Janar Jubanııazova.
«Baqytty otbasy» baǵdarlamasy boıynsha jeńildetilgen nesıe jańa úıdi satyp alýǵa beriledi. Zaemnyń jalpy somasy 15 mln. teńge. Almaty túrǵyny Anar Asanbekova eki bólmeli páterdi 13,5 mln. teńgege satyp aldy. О́ziniń jeke páterine ol kúıeýimen jáne 5 balasymen jaqyn kúnderi kóshetin bolady.
«Buǵan deıin biz qala mańynda jaldamaly páterde turdyq. «Baqytty otbasy» baǵdarlamasyn bilgen soń qujattardy jınap, ótinish berdik, páterdi tańdadyq, endi kóshýge daıyndalýdamyz. Qýanyshymyzda shek joq, Almatydan úı satyp alamyz degen oıymyzda bolǵan joq, óıtkeni qaltamyz kótermeıtin edi», - dep qýanyshymen bólisti Anar Asanbekova.
Elbasy «Nur Otan» partııasynyń XVIII sezinde kópbalaly otbasylarǵa qoldaý kórsetip, páter alý jolyn jeńildetý boıynsha tapsyrma bergen edi. Almaty jergilikti bıýdjetten qarjy bólip, kópbalaly otbasylar úshin «Baqytty otbasy» turǵyn úı baǵdarlamasyn qolǵa alǵan alǵashqy qala.
ALMATY
