Toǵandar keńeıtilip, aryq júıesi tolyqtaı jańartylady. Jobany jańartý kezinde múmkindigi shekteýli jandarǵa arnalǵan pandýstar, zaǵıpter úshin arnaıy belgiler qoıýǵa asa mán beriledi. Mamandar qurylys jumystary kezinde jasyl jelekke eshqandaı zııan keltirmeý jaǵdaıy jiti nazarda bolatynyn jetkizdi.
«Biz baqqa bıyl kúzde 1000-ǵa jýyq aǵash jáne 10 myń gúl otyrǵyzýdy josparlap otyrmyz. Eger múmkindik bolsa, odan da kóp egemiz. Beınebaqylaý qurylǵylaryn ornatý da josparda bar. Ázirge onyń naqty sany qansha bolary belgisiz. Degenmen, bul vandalızmmen kúresip, halyqtyń qaýipsizdigi maqsatynda qoıylady», – deıdi «Vernyı kapıtal» kompanııalar tobynyń bas dırektory Erlan Ospanov.
Baqtaǵy jaqsartý jumystaryn kórýge kelgen qala ákimi Baýyrjan Baıbek, barynsha tabıǵı landshafty saqtap, ony az ǵana ózgertý kerektigin tapsyrdy.
Eske salsaq, Botanıkalyq baq 17 gektardan astam aýmaqty alyp jatyr. Qurylys jumystary barysynda baq jabylmaıdy. Turǵyndar burynǵysynsha jupar aýamen tynystap, serýendeı alady.
