Tyl ardageri, ardaqty ana Qasyl Qatyqbaeva atyndaǵy bilim grantyn jeńip alǵan, batyr ananyń atymen atalatyn №168 mekteptiń 11 synyp oqýshysy Toǵjan Baıanova. Zerdeli túlek Abaı atyndaǵy Qazaq ulttyq pedagogıkalyq ýnıversıtetinde tegin bilim alý múmkindigine ıe bolyp otyr. Bas júlde oqý granty bolsa, birinshi orynǵa – 500 myń teńge, ekinshi orynǵa – 300 myń teńge, úshinshi oryn ıesine 200 myń teńge qarjylaı syıaqy tabystaldy.
«Jastar jyly» aıasynda qala ákimdiginiń qoldaýymen uıymdastyrylǵan baıqaýǵa Almaty qalalyq máslıhat depýtaty Murat Ádilhanuly demeýshilik jasaǵan. Uıymdastyrýshylar is-sharanyń negizgi maqsaty ustazdardyń mártebesin arttyryp, oqýshylardy ustazdyq mamandyqqa tárbıeleý ekendigin aıtady.
«Ártúrli baıqaýlar bolyp jatady. Biraq myna baıqaýdyń ereksheligi, birinshiden, munda bolashaq qazaq tili pániniń ustazy tańdaldy. Menińshe, qazaq tilin, óz ana tilin kótergen adam jaman bolmaıdy. Ustaz bolam degen adam shyn máninde osyǵan senýi kerek», – deıdi jeńimpazdardy marapattaýǵa kelgen qala ákimi Baýyrjan Baıbek.
ALMATY
