Qazaqstan • 21 Mamyr, 2019

Qoǵam belsendileri Portýgalııanyń densaýlyq saqtaý tájirıbesimen bólisti

715 ret kórsetildi

Bıyl mamyr aıynyń basynda Port qalasynda ótken, temeki, esirtki, ishimdikterdiń zardabymen kúresýdi kózdeıtin HHVI Halyqaralyq zııandylyqty tómendetý jónindegi konferensııasyna Qazaqstan atynan «Aman-saýlyq» QQ men «AITV-men ómir súretin adamdardyń qazaqstandyq odaǵy» qatysqan bolatyn. Qazaqstandyq delegasııanyń saparyna BUU–nyń esirtkige qarsy kúres jónindegi keńsesi - UNODC qoldaý kórsetti.

Búgin qazaqstandyq qoǵam belsendileri Almatyda baspasóz máslıhatyn ótkizip, osy sapardyń nátıjesi týraly paıymdarymen bólisti.

Konferensııada BUU-nyń Adam quqyqtary jónindegi Joǵarǵy komıssary Mıshel Bashele, BUU Bas Assambleıasy, BUU-nyń adam quqyqtary jónindegi keńesi, Dúnıejúzilik densaýlyq saqtaý uıymy, IýNEIDS jáne BUU-nyń kóptegen quqyq qorǵaý organdary moıyndaǵan «zııandy azaıtý» baǵdarlamasynyń mańyzdylyǵyn atap ótken.

«Esirtkimen soǵys» saıasaty da, esirtki zattarynan tolyq bas tartý ádisteri da eshqandaı nátıje bermeıdi. Jastarǵa esirtki qoldanýdyń qasireti men odan ózin qalaı qorǵaý kerektigi týraly senimdi aqparat berý sııaqty sharalardy qoldanǵan durys. Sondaı-aq, ol dekrımınalızasııanyń nátıjesinde qoǵam esirtkige táýeldilerdi qylmyskerler retinde emes, emdeýdi qajet etetin naýqas retinde qabyldaı bastaǵanyn atap ótti. «Olardy zııandy ádetke qumarlyǵy úshin qýdalaýǵa bolmaıdy. «Quqyq qorǵaý organdarynyń ókilderi tarapynan esirtkige táýeldilerdi qýdalaýdyń barlyq jaǵdaılaryn muqııat tekserý, bul isterdi sotqa berý jáne zań boıynsha jazalaý qajet», – dep málimdegen Mıshel Bashele.

«Bıylǵy konferensııa Portýgalııanyń nashaqorlyq máselelerindegi biregeı tájirıbesine arnaldy. Portýgalııa esirtkini tutynýdy dekrımınalızasııalaý jáne nashaqorlyqpen kúrestiń jazalaý ádisterinen medısınalyq-áleýmettik tásilge kóship, artyq dozalaýdan jáne AQTQ-dan ólim-jitimniń tómendeýine alyp kelgenin kórsetti», – dedi «Aman-saýlyq» QQ prezıdenti Baqyt Túmenova.

«2001 jyly Portýgalııada esirtki tutynýmen baılanysty Eýropadaǵy AQTQ-juqpasynyń eń joǵary kórsetkishteri baıqaldy. Osy jyly el Prezıdenti men premer-mınıstr esirtkini jeke maqsatta qoldanýdy qylmystyq sıpattan aryltý týraly sheshim qabyldaǵan. Úkimet nashaqorlyqtyń aldyn alý baǵdarlamalaryna jáne zııandy azaıtý jónindegi sharalardy qosa alǵanda, ony emdeýge resýrstar bóldi: shprıster almasý jáne almastyrý terapııasyn. Sondaı-aq, olar esirtki tutynýdy jáne jynystyq jolmen beriletin aýrýlardyń kórsetkishterin qysqartý úshin burynǵy nashaqorlardy qoǵamǵa qaıta yqpaldastyrýǵa aınalysty. Búgingi tańda Portýgalııa - Eýropadaǵy esirtkige qatysty qylmysy eń tómen el», – dedi Baqyt Túmenova óz sózinde.

Zııandylyqty azaıtý tujyrymdamasy – bul árbir adamnyń densaýlyǵyn saqtaýǵa baǵyttalǵan tásil.  Kez kelgen tyıymdar problemalardy sheshpeıdi. Esirtkini, alkogol men temekini sanaly túrde qoldanatyn adamdar, ádette, osy zııandy ádettermen ajyraýy óte qıyn. Jáne «zııandy tómendetý» tásilin qoldana otyryp, qoǵam olardy tańdaý quqyǵyn qurmetteı otyryp, olarǵa zııandy balama usynady.

Densaýlyq saqtaý mınıstrliginiń málimetinshe, Qazaqstanda eresek turǵyndardyń 22,4%-y temeki shegedi.

Sońǵy jańalyqtar

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

«Real» – Sýperkýbok ıegeri

Fýtbol • Búgin, 08:40

Anderkardta kúsh synasady

Sport • Búgin, 08:37

Shilde aıyndaǵy úzdikter anyqtaldy

Fýtbol • Búgin, 08:35

Shahmatshylardyń tarıhı jetistigi

Sport • Búgin, 08:34

«Altyn taı» Aıagózdiń enshisinde

Aımaqtar • Búgin, 08:32

Oraq naýqanyna daıyndyq oıdaǵydaı

Aımaqtar • Búgin, 08:30

Kýrchatovta medısına mamandary tapshy

Aımaqtar • Búgin, 08:28

Uqsas jańalyqtar