Kelisimge japon seısmıkalyq oqshaýlaý qoǵamynyń (JSSI) prezıdenti, professor Akıra Vada (AkiraWada) men «QazQSǴZI» AQ bas dırektory Begman Kýlbaev qol qoıdy.
Memorandým ǵylymı-zertteý jumystaryn negizdep, oryndaý úshin birlesken ýaqytsha ǵylymı ujymdar qalyptastyrýdy, seısmıkaǵa tózimdi qurylys salasynda praktıkalyq jumystardy oryndaý úshin Qazaqstan men Japonııa ǵalymdary men mamandaryn tartýdy kózdeıdi.
Yntymaqtastyqtyń nátıjesinde birlesken bilim berý baǵdarlamalaryn ázirleý jáne iske asyrý, ózara múddelerge ókildik etetin ǵylymı jáne ǵylymı-ádistemelik konferensııalar, semınarlar, «dóńgelek ústelder» men kórmeler ótkizý uıǵarylyp otyr.
«2018 jyly Almaty qalasynda «The Japan Society of Seismic Isolation» (JSSI) qatysýymen «Seısmıkaǵa tózimdi qurylys tehnologııalary» Halyqaralyq semınary ótken bolatyn. Semınarda qazaqstandyq jáne japondyq mamandar seısmıkalyq oqshaýlaǵysh konstrýksııalardy qoldanýdyń tájirıbesimen almasty. QazQSǴZI-dyń seısmıkaǵa tózimdi qurylys salasynda úlken tájirıbesi bar, al bizdiń mamandarymyz seısmıkalyq oqshaýlaǵysh júıelerdiń avtorlyq ázirlemelerine ıe, sondyqtan japondyq áriptesterimiz yntymaqtastyqty jalǵastyrýǵa múddeli boldy. Kelissózderdiń qorytyndys boıynsha bizdiń elderimizdiń seısmıkaǵa tózimdi qurylysyn damytý salasynda kúshterimizdi biriktirý sheshimi qabyldandy», – deıdi «QazQSǴZI» AQ bas dırektory Begman Kýlbaev.
ALMATY
