Rýhanııat • 22 Mamyr, 2019

«Dúnıe»-baqtyń jemisi

821 ret kórsetildi
Erte zamanda Uly dalada bılik júrgizgen aqyldy patshanyń qolǵanat úsh ýáziri bolǵan eken. Bir kúni patsha úsheýin shaqyryp alyp qoldaryna jas shybyqtan toqylǵan bir-bir sebet ustatyp, saraı baqshasyna baryp qoldaryndaǵy ydysqa jemis-jıdek toltyryp ákelýlerin buıyrady. Bul isti eshkimniń kómegine súıenbeı tek ózderi atqarýlaryna ámir etedi. Tosyn buıryqqa tańyrqaǵan ýázir­­ler patshanyń maqsatyn túsine almaǵan kúıi sebetterin arqalap baqshaǵa qaraı betteıdi. 

Birinshi ýázir patshasyn razy qylmaqqa bekinip jemistiń eń jaqsy ýyljyp piskenin jınaıdy. Ekinshi ýázir «patsha jemis-jıdekti ózi úshin tergizip jatqan joq bolar, ony tekserip áýrelenip jatpaıdy-aý» dep topshylaıdy da qolyna ilingendi sebetke toǵyta beredi. Úshinshi ýázir «osy jemis-jıdekti patsha ózi jeıdi deımisiń?» dep sebetke shóp-shalam aralasqan sapasyz ónimdi toltyryp alyp kelipti. 

Kelesi kúni patsha úsh ýázirdi de qolda­ryn­daǵy sebet toly jemisterimen birge úsh aıǵa bólek-bólek túrmege qamaýǵa buıryq shyǵara­dy. Olarǵa syrttan sý, tamaq kirgizýge tyıym salady. 

Alǵashqy ýázir óziniń tergen jemisiniń qyzyǵyn ózi kórip, úsh aıdy alańsyz ótkizedi. Ekinshi ýázir qabyn aqtaryp, jeýge ja­ramdysyn ázer taýyp qatty qınalady. Úshinshi ýázir bir aıǵa jetpeı ashtan qatqan eken.

Biz bul mysaldan ne túsinemiz: zyndanǵa túsken ýázirler ózderi tergen jemisimen kúnelt­keni sııaqty biz de erteń táńir aldyna bar­ǵanda, tiride nendeı saýap jınap, jaq­sylyq jasadyq, ózimizdiń qabymyzdy nemen toltyrdyq, soǵan saı iltıpatqa ıe bolamyz.

Bizdiń ne istep, ne qoıyp júrgenimizdi ortamyz, ata-ana, týys-týǵanymyz, áriptes dostarymyz bilmeýi múmkin. Alaıda, Alladan jasyryn eshteńe joq. Joǵarydaǵy mysalda keltirilgendeı, biz qazir «Dúnıe» deıtin alyp baqtyń ishinde júrmiz. Jaqsy ister atqaryp, jaman ádetterden qashyp, «dúnıe»-baqtaǵy ıgilikterdi terip alýǵa tolyq múmkindik be­rilýde. Pende balasy, qabyńyzdyń ishin qalaı toltyryp júrsiz, oǵan da bir qarap qoıyńyz!!!
Sońǵy jańalyqtar

Energetıka – ekonomıka draıveri

Ekonomıka • Búgin, 21:25

Birjaqty baılam hám batyl baǵdar

Pikir • Búgin, 20:55

Torǵaı tarıhyn tolǵaǵan

Tarıh • Búgin, 20:50

Jyl sózi

Álem • Búgin, 20:36

Quldyramaıtyn qundylyq

Tanym • Búgin, 20:20

Birde-bir shaǵym eskerýsiz qalmaıdy

Qazaqstan • Búgin, 19:55

Býrkına-Faso astanasynda oq atyldy

Álem • Búgin, 19:17

Almatynyń ońtústiginde jer silkindi

Aımaqtar • Búgin, 17:38

Almatyda qurylys krany qulady

Oqıǵa • Búgin, 14:21

Aýǵanstanda jarylys boldy

Álem • Búgin, 12:21

Álemdegi eń úlken muzdyq erip ketti

Ekologııa • Búgin, 11:05

Uqsas jańalyqtar