Saılaý • 23 Mamyr, 2019

Úgit-nasıhat jumystary jan-jaqty júrgizilýde

860 ret kórsetildi

Búginde sheshýshi kezeń taıaǵan saıyn úgit-nasıhat jumystary da qyzý júrgizilip jatyr. Árıne, kandıdattarǵa úgit-nası­hat jumystaryn júrgizý úshin qarajat qajet ekendigi bel­gili. Osyǵan oraı Ortalyq saılaý komıssııasynyń «2019 jylǵy 9 maýsymǵa taǵaıyndalǵan Qazaqstan Respýblıkasy prezıdentiniń kezekten tys saılaýyn­da respýb­lıkalyq bıýdjet qarajatynan óteletin Qazaqstan Respýblıkasy prezıdenttigine kandıdat shyǵystarynyń mólsherin belgileý týraly» qaýly qabyldanǵan edi.

Qaýlyda Qazaqstan Respýb­lı­kasy prezıdenttigine kandıdat shyǵys­tarynyń mólsheri 7 331 200 (jeti mıllıon úsh júz otyz bir myń eki júz) teńge kóle­minde bel­gilendi. Buǵan sáıkes prezı­dent­tikke kandıdattyń saılaý qo­­ryn­­daǵy óz qarajaty jáne ony usyn­ǵan respýblıkalyq qo­ǵam­­dyq birlestik kandıdatqa bólin­­gen qarajattyń jalpy soma­sy zańnamada belgilengen mól­sheri­nen aspaýy kórsetildi. Eger bel­gi­lengen mólsherden ar­tyq tús­ken aqsha qarajaty bol­sa, ol saı­laý qorlaryna esep­t­elýge jat­paı­dy jáne ol olar­dy engiz­gen aza­mat­tar men uıym­darǵa qaıta­ry­lady. Sol sııaqty ano­nımdi qaıyrmaldyqtar respýb­lı­ka­lyq bıýdjet kirisine aýdary­la­dy. Sondyqtan saılaý qor­lary­na tek zańdy jolmen alynǵan qarajat ǵana jiberilýi múmkin. Jáne bul Saılaý qorynyń qara­ja­ty­na bılik etý quqyǵy Qazaq­stan Res­pý­blıkasynyń prezı­dent­tigine kand­ıdattarǵa ǵana tıesili.

Mine, endi elimizdiń Ortalyq saılaý komıssııasy Qazaqstan Respýblıkasy prezıdenttigine kandıdattardyń saılaý qoryna túsken qarajattar men olardyń jumsalýy týraly 2019 jyldyń 17 mamyryndaǵy jaǵdaıy bo­ıynsha esepti de jarııalady. Bul esepke qysqasha toqtalyp óter bolsaq, máselen, «Qazaqstan Respýblıkasyndaǵy saılaý týraly» Konstıtýsııalyq zańnyń 58-baby 1-tarmaqshasyna sáıkes Qasym-Jomart Toqaevtyń óz qarajaty jáne ony kandıdat retinde usynǵan respýblıkalyq qoǵam­dyq birlestik bólgen qara­jat 510 mln teńgeni quraǵan. Al atal­ǵan zańnyń 58-baby 2-tarmaq­shasyna saı respýblıka azamattary men uıymdardyń erikti qaıyrmaldyqtary 514 mln 457 myń 970 teńge bolǵan. Kórsetilgen kezeńge deıin atalǵan somanyń 185 mln 593 myń 069,46 teńgesi jumsalǵan. Olar baspa, dybys-beıne jáne ózge de úgit materıal­daryn shyǵarýǵa, tara­týǵa, zańdy jáne jeke tulǵa­lar­dyń úgit-nasıhat ju­mys­taryn uıym­dastyrýǵa baılanysty qyz­metterine aqy tóleý, se­nim bildirgen adamdarynyń kólik pen saılaýshylarmen kezdesý úshin úı-jaılardy jalǵa alý shy­ǵyn­daryn jabýǵa jumsalǵan. Sol sııaqty Sádibek Túgeldiń saılaý qoryna óz aqshasy jáne ony usynǵan respýblıkalyq qoǵam­dyq birlestik esebinen 200 myń teń­ge túsken. Respýblıka azamattary men uıymdary ony qol­daý­ǵa erikti túrde 75 mln 872 myń teńge aýdarǵan. Jumsalǵany – 76 mln 053 myń teńge bolǵan kórinedi. Al prezıdenttikke kandıdat retinde usynylǵan Jambyl Ahmetbekovtiń óz qarajaty jáne respýblıkalyq qoǵamdyq bir­lestik bólgen qarjy kólemi 250 mln teńgeni quraǵan. Oǵan qosa 88 mln 320 teńgeni respýblıka azamattary men uıymdar bergen. Sóıtip atalǵan úgit-nasıhat jumystaryna 289 mln 770 myń 683,72 teńge jumsalǵan.

Atalǵan esepte Danııa Espaeva­ny usynǵan respýblıkalyq qoǵam­dyq birlestiktiń saılaý qoryna aqsha aýdarymy kórsetilmegen. Biraq respýblıka azamattary men uıymdarynyń erikti qaıyrmaldyqtary kandıdattyń qoryn 112 mln 967 myń teńgege toltyrǵan. D. Espaeva bul somanyń 109 mln 495 myń 277 teńgesin jumsaǵan. Prezıdenttikke kandıdat Amangeldi Taspıhovtyń de saılaý qoryna ony usynǵan respýb­lıkalyq qoǵamdyq birlestiktiń som­asy kórsetilmegen. Degenmen onyń shotyna túsken erikti aýda­rym­dardyń kólemi 101 mln 850 myń teńgeni quraǵan. Ol bas­pa jáne ózge de úgit materıalda­ryn shyǵarý jáne taratý jumystaryna 75 mln 216 myń 780 teńge jum­saǵan. Sol sııaqty kandıdat Tóleý­taı Raqymbekovtiń óz qara­jaty jáne respýblıkalyq qoǵamdyq birlestik bólgen qarjy kólemi – 108 mln 007 myń teńge boldy. Biraq T.Raqymbekovtiń shotyna azamattardyń jáne uıymdardyń atynan erikti aqsha aýdarylmapty. Onyń osy ýaqytqa deıingi shyǵysy – 77 mln 502 myń 977,85 teńgeni quraıdy. Al prezıdenttikke kandıdat Ámirjan Qosanovqa ony usynǵan respýblıkalyq qoǵamdyq birlestiginen saılaý qoryna 76 mln teńge túsken. Jáne ony qoldaǵan azamattar men uıymdardyń erikti qaıyrmaldyǵy 643 myń 600 teńgeni qurapty. Sóıtip kandıdat Ámirjan Qosanov baspa jáne ózge de úgit materıaldaryn shyǵarýǵa jáne taratýǵa, BAQ-qa shyǵýǵa, zańdy jáne jeke tulǵalardyń úgit jumystaryn uıymdastyrýǵa baılanysty 52 mln 999 myń 706,88 teńge jumsap úlgirgen.

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar