Abaı mektebindegi ıgi dástúr jalǵasyn taba bermek
Seısenbi, 5 aqpan 2013 7:31
Zaısan aýdanynyń irgesindegi Qarabulaq aýylyndaǵy Abaı atyndaǵy orta mektepti sońǵy bes jyldan beri aýdandyq máslıhattyń depýtaty, óz isiniń bilgiri Gúlnar Ýathanqyzy Aqtanova basqaryp keledi. Munyń aldynda osy ujymda ustaz, oqý-tárbıe jónindegi orynbasar bolyp qyzmet istegen Gúlnar Ýathanqyzynyń eńbek ótili 33 jyl eken. Aýyldastary qurmetine bólengen, qashan da halyqtyń sózin sóılep, joǵyn joqtap, qoǵamdyq jumystardyń bel ortasynan tabylatyn isker ustaz bizdi jyly qarsy alyp, mekteptiń ekinshi qabatyna bastady.
Seısenbi, 5 aqpan 2013 7:31
Zaısan aýdanynyń irgesindegi Qarabulaq aýylyndaǵy Abaı atyndaǵy orta mektepti sońǵy bes jyldan beri aýdandyq máslıhattyń depýtaty, óz isiniń bilgiri Gúlnar Ýathanqyzy Aqtanova basqaryp keledi. Munyń aldynda osy ujymda ustaz, oqý-tárbıe jónindegi orynbasar bolyp qyzmet istegen Gúlnar Ýathanqyzynyń eńbek ótili 33 jyl eken. Aýyldastary qurmetine bólengen, qashan da halyqtyń sózin sóılep, joǵyn joqtap, qoǵamdyq jumystardyń bel ortasynan tabylatyn isker ustaz bizdi jyly qarsy alyp, mekteptiń ekinshi qabatyna bastady.
– Mektebimiz eski bolǵanymen, sonaý 90-jylǵy zilzala kezinde syr bermedi. Azdap jóndep alǵanbyz. Aýdan ákimi Serik Zaınýldın únemi qamqorlyq jasap turady. Qazir bilim ordasynda 388 oqýshy bar, mektep aldyndaǵy daıarlyqty qosqanda balalar sany 454. 50 oryndyq balabaqsha da bizdiń mekteptiń ishinde, jalpy sany 202 oqýshyǵa tegin tamaq beriledi, – dep mektep dırektory biraz jaıdan habardar etti.
Ekinshi qabattaǵy Abaı murajaıy qundy kitaptar men Hakim aqyn jaıly shyǵarmalarmen tolyqtyrylǵan, sarǵaıǵan maqalalar men eski jýrnaldardan da qajetti maǵlumattar ala alasyz. Munyń aldynda ǵana Abaıdyń shóberesi, Zaısanda turatyn, jasy 90-ǵa jaqyndap qalǵan Gúlzıpa Israılova mektep oqýshylarymen kezdesip, atasy jaıly estelikter aıtypty. Abaı murajaıynda aýyl tarıhy týraly syr shertetin málimetter de az emes eken.
– Abaı mektebinen túlep ushqandar qatarynda talant ıeleri kóptep sanalady. Osy uıadan birneshe ǵylym doktory, alty ǵylym kandıdaty túlep ushqan, – dep áńgimege aralasty Zaısan aýdandyq máslıhatynyń hatshysy Dáýlet Ydyryshev. – Belgili aqyn Eset Áýkebaev, Qazaqstannyń eńbek sińirgen qaıratkeri, kúmiskómeı ánshi ári sazger Dálel Ýásh, júzden astam halyqaralyq dárejedegi sport sheberlerin daıyndaǵan bilikti bapker Janádil Ataev, ǵylym kandıdaty, sport mamany Erkin Ýanbaev, tanymal jýrnalıster Suńǵat Álipbaev, Ermurat Bapı, Bolat Násipbaev ta osy mektepten bilim alǵan.
О́ńir basshysy B.Saparbaevtyń bastamasymen Shyǵystyń barlyq aýdandary men aýyldarynda qanat jaıǵan «Týǵan elge – taǵzym!» aksııasy boıynsha kezinde osy bilim ordasynan túlep ushqan shákirtter kindik qany tamǵan aýyldaryna qaıyrymdylyq qolyn sozypty. Úsh synypqa kireberiste ilýli turǵan «Mektep túlekteriniń tartýy» degen jazýǵa kózimiz tústi. 2010, 2011, 2012 jyldary túlekter synypty qajetti oqý quraldarymen, teledıdar, kompıýter , tońazytqyshpen jabdyqtap qoıypty.
Mektep oqýshylary túrli olımpıadalar men baıqaýlardan da tabysty oralýda. Atap aıtqanda, 10-shy synyp oqýshysy Tolǵanaı Qalıoldanova bıologııa páni boıynsha oblystyq saıysta ekinshi, al, Áıgerim Qasymova hımııa páninen úshinshi orynǵa ıe bolypty.
Bilim men eńbek egiz. Abaı mektebiniń ustazdary osy qaǵıdaǵa berik. Jaz kezinde eki gektarǵa kartop, jarty gektarǵa kókónis ósirip, paıdasyn kórip otyr. О́tken jyly 2800 kılo kartop, 1150 kılo sábiz, 913 kılo oramjapyraqty mekteptiń qosalqy sharýashylyǵynan jınap alǵan. Ol ol ma, mektep ujymy osyndaǵy sharýa qojalyqtarymen kelisimge otyryp, kókónisti arzan baǵamen alýda. Dáýlet Tantybaev degen azamat bir tonna kartop túsirip beripti.
Mektep janyndaǵy jylyjaıǵa keldik. Mundaǵy qııardy jaqynda jınap alypty. Jańasyn otyrǵyzý bastalypty. Ol úsh aıda pisedi, ar jaǵynda baqsha maýsymy bastalady, – deıdi dırektor Gúlnar qaryndasymyz.
– Jazda mektep mańy aǵashtyń jańa túrlerimen tolyǵady, gúlder búrshik jarǵan kezde hosh ıisten bas aınalady, rahat, neshe túrli janýarlardyń sulbasyn jasap, balalardyń tabıǵatqa degen janashyrlyǵyn oıatýdaǵy ustazdardyń belsendiligine eriksiz rıza bolasyz, – dep aýdandyq bilim berý bóliminiń bastyǵy Sánııa Ábdiǵalıeva áńgimeni tolyqtyrdy. Onyń aıtýynsha, jaz shyǵa aýdan ákimi Serik Zınabekulynyń bastamasymen barlyq mektepter apta saıyn senbilikke shyǵyp aýlalar men kóshelerdi kórkeıtýge atsalysady, aǵash kóshetterin otyrǵyzyp, turmysy nashar jandarǵa kómektesedi. Al, bul úlgili istiń basy-qasynda mektep ustazdary da júretini shyndyq.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.
Zaısan aýdany.
Sýrette: mektep janyndaǵy bala baqsha sábıleri «Qara jorǵany» bılep tur.
