О́ńirde «Rýhanı jańǵyrý» baǵdarlamasy aıasynda ulttyq án óneri men Jetisýdyń halyq kompozıtorlary shyǵarmalaryn jınaqtaý isi qolǵa alynǵan bolatyn. Oqyrman qolyna tıgen «Jetisý óńiriniń halyq jáne halyq kompozıtorlary ánderiniń antologııasy» jınaǵy sonyń bir aıǵaǵy. Eki júz elý ánniń sózi men tarıhynan maǵlumat beretin antologııa «Qazaq halqynyń ǵuryptyq ánderi», «Halyq ánderi» jáne «Halyq kompozıtorlarynyń ánderi» deıtin 3 bólimge jiktelgen. Qundy kitaptyń taǵy ereksheligi – jınaqtalǵan Jetisý ánderiniń barlyǵy CD-dıskilerge júktelip, kitapqa qosa tirkelip otyr.
Aıtpaqshy, «Jetisý óńiriniń halyq jáne halyq kompozıtorlary ánderiniń antologııasy» kitabyn basyp shyǵarýǵa jergilikti bıýdjetten 5 mln teńge bólingen eken. Jınaqtyń alǵashqy danasyn Almaty oblysynyń ákimi Amandyq Batalov tanystyryp, «Rýhanı jańǵyrý» baǵdarlamasy aıasynda ádebıet pen ónerdi qoldaýǵa kóńil bólinip otyrǵanyn aıtty.
О́tken jyly «Jetisý kitaphanasy» 100 tomdyǵy serııasymen 20 avtordyń kitaby jaryqqa shyqsa, bıyl 40 kitap jaryq kórmek. Onyń ishinde jetisýlyq 20 jas aqyn-jazýshynyń tuńǵysh kitaby oqyrman qolyna tımekshi. Sondaı-aq, ólke tarıhyn túgendegen 2 tomdyq «Mádenı eskertkishter ensıklopedııasy» jınaǵy da rýhanı qazyna qataryn toltyrmaq.
