Azamattyq paryzymyz
Juma, 1 naýryz 2013 7:15
Qazaqstan halqy Assambleıasy qurylǵaly týra 18 jyl bolyp qalypty. Álemde teńdesi joq bul ınstıtýt óz quramyna qazirgi tańda 820-dan astam etnomádenı birlestiktiń basyn biriktirip, elimizde azamattyq qoǵam men memleket múmkindikterin jumyldyratyn qoǵamdyq kelisimniń basty tetigine aınalyp otyr. Búginde Qazaqstan halqy Assambleıasy etnostyq nemese dinı belgisine qaramastan Konstıtýsııamen kepildik berilgen azamattyq quqyqtar men bostandyqtardy tolyǵymen ıelenetin jáne paıdalanatyn, árbir azamattyń ózindik ereksheligin damytýǵa múmkindik jasaıdy.
Juma, 1 naýryz 2013 7:15
Qazaqstan halqy Assambleıasy qurylǵaly týra 18 jyl bolyp qalypty. Álemde teńdesi joq bul ınstıtýt óz quramyna qazirgi tańda 820-dan astam etnomádenı birlestiktiń basyn biriktirip, elimizde azamattyq qoǵam men memleket múmkindikterin jumyldyratyn qoǵamdyq kelisimniń basty tetigine aınalyp otyr. Búginde Qazaqstan halqy Assambleıasy etnostyq nemese dinı belgisine qaramastan Konstıtýsııamen kepildik berilgen azamattyq quqyqtar men bostandyqtardy tolyǵymen ıelenetin jáne paıdalanatyn, árbir azamattyń ózindik ereksheligin damytýǵa múmkindik jasaıdy. Respýblıkamyzdaǵy árbir etnos – qoǵamnyń mańyzdy ári jarasymdy bóligi bolyp tabylady. Sondyqtan da olardyń mádenıeti men tilin, dástúrin odan ári ilgeriletýge qajetti jaǵdaıdyń bári bar. Máselen, 72 jalpy bilim beretin ulttyq mektepte oqytý etnos tilderinde júrgizilse, al 143 mektepte aralas bilim beriledi. 195 etno-aǵartý keshenderi men lıngvıstıkalyq mektepter ashylǵan. 14 orys jáne uıǵyr, káris, nemis (TMD-da jalǵyz), ózbek ulttyq teatrlary jumys isteýde.
Respýblıkada Assambleıanyń kópfýnksııaly resýrstyq ortalyqtary retinde 10 Dostyq úıi, Astana qalasynda Beıbitshilik jáne kelisim saraıy qyzmet atqarýda. 35 etnostyq BAQ (11 tilde) jaryq kórýde, QHA janynan jýrnalıster men sarapshylar klýby quryldy. Sonyń ishinde Qazaqstanda turatyn túrik etnosynyń «Ahyska» etnomádenı ortalyǵy da qyzmetin oıdaǵydaı atqaryp otyr. El aýmaǵynyń barlyq óńirlerinde fılıaldary bar. «Ahyska» gazeti 3 tilde jaryq kóredi. Almaty oblysynda bizdiń ortalyq tarapynan áleýmettik jaýapkershilik baǵdarlamasy boıynsha 1 jańa orta mektep ashylyp, ál-aýqaty tómen balalarǵa talapqa sáıkes orta bilim berilýde. Elbasymyzdyń aldymyzǵa qoıǵan memlekettik tildi meńgerý tapsyrmasy aıasynda tolyqqandy jumys atqarýdamyz. Qazaqstan túrikteriniń 80%-y memlekettik tildi erkin biledi. Qazaqstandyq patrıotızmdi árbir azamatqa jetkizý, osy baǵytta tálim-tárbıe berý bizdiń birlestigimizdiń basty maqsattarynyń biri ekendigi anyq. Elimizde turaqtylyqtyń, beıbitshilik pen kelisimniń únemi saqtalýyna atsalysyp, qoǵamda bereke-birliktiń nyǵaıýyna úlesimizdi qosa bermekpiz. Bul – bizdiń azamattyq paryzymyz.
Ásker PIRIEV,
Astana qalasy «Ahyska» túrik etnomádenı
qoǵamdyq birlestiginiń tóraǵasy.
