Ár azamattyń boryshy
Seısenbi, 2 sáýir 2013 0:36
Qazirgi kezde Otan aldynda áskerı boryshyn ótegisi jáne ómirin áskerı qyzmetpen baılanystyrǵysy keletin jastardyń qatary jyl saıyn ósip keledi. Oǵan kelisimshartpen azamattyq boryshyn ótegisi keletin jas azamattardy jınaý pýnktteriniń ashylýy da mysal bola alady.
Elimizde bıylǵy áskerge shaqyrý bastaldy. Osyǵan oraı biz Qazaqstan Respýblıkasy Qarýly Kúshteri Qurlyq áskerleriniń bas qolbasshysy Murat MAIKEEVPEN áńgimelesken edik.
Seısenbi, 2 sáýir 2013 0:36
Qazirgi kezde Otan aldynda áskerı boryshyn ótegisi jáne ómirin áskerı qyzmetpen baılanystyrǵysy keletin jastardyń qatary jyl saıyn ósip keledi. Oǵan kelisimshartpen azamattyq boryshyn ótegisi keletin jas azamattardy jınaý pýnktteriniń ashylýy da mysal bola alady.
Elimizde bıylǵy áskerge shaqyrý bastaldy. Osyǵan oraı biz Qazaqstan Respýblıkasy Qarýly Kúshteri Qurlyq áskerleriniń bas qolbasshysy Murat MAIKEEVPEN áńgimelesken edik.
– Qarýly Kúshterdi reformalaý josparlaryna sáıkes sońǵy jyldary kelisimshart boıynsha áskerı qyzmetshilerdiń sany aıtarlyqtaı artty. Biraq, merzimdi áskerı qyzmet Otanymyzdyń qaýipsizdigin qamtamasyz etý júıesiniń mańyzdy quramy bolyp qala beredi, – dep bastady áńgimesin Murat Maıkeev. – Ár jarty jyl saıyn Qurlyq áskerleriniń barlyq áskerı bólimderi olar elimiz boıynsha elýden asady, tolyǵyp otyrady. Áskerge shaqyrylýshylardyń basym kópshiligi áskerı boryshyn óteý úshin Qurlyq áskerlerine jiberiledi.
– Qurlyq áskerleri týraly keńirek aıtyp berseńiz. Onyń qataryna qandaı bólimder kiredi?
– Qurlyq áskerleri – Qarýly Kúshterimizdiń eń mańyzdy jáne eń kóp túri. Qurlyq áskerleriniń quramyna motoatqysh, tankti, desantty-shabýyldaýshy jáne artıllerııalyq áskerı bólimder jáne teńiz jaıaý áskeri brıgadasy kiredi. Budan basqa, Qurlyq áskerleriniń quramynda jaýyngerlik jáne materıaldyq-tehnıkalyq qamtamasyz etý áskerı bólimderi bar. Qurlyq áskerleriniń qurylymdary men quramalary 24 garnızonda ornalasqan.
– Ásker qataryna bilikti mamandardy alý, kelisimshartpen áskerı boryshyn ótegisi keletin azamattar týraly ne aıtar edińiz?
– Búgingi tańda Qarýly Kúshterde bilikti mamandarǵa degen suranys artýda. Sondyqtan, áskerge shaqyrý kezinde shaqyrylýshynyń bilimine basty nazar aýdarylýda.
Qorǵanys mınıstriniń talabyna sáıkes jaýyngerlik daıarlyq qarqyndylyǵynyń edáýir artqanyn atap ótken jón. Sarbazdardyń merzimdi áskerı qyzmetiniń bárin qolyna kúrek nemese sypyrtqy ustaýmen ótkizý sııaqty jaıttar artta qaldy. Qazir, tipti, ashana boıynsha barlyq jumysty áskermen kelisimshart boıynsha qyzmet isteıtin azamattyq uıymdar óz moıyndaryna alǵan. Barlyq áskerı qyzmetshilerdiń basty jumysy – jaýyngerlik daıarlyq, joryqtyq-marshtar, dalalyq jattyǵýlar.
Áskerge shaqyrylýshynyń densaýlyq jaǵdaıynan basqa, biz jastardy psıhologııalyq jaǵynan irikteýge de basa nazar aýdaramyz.
Arnaıy daıyndyqty talap etetin mamandyqtar boıynsha, oqytý quramalarynda jarty jyldyq daıarlyq júrgiziledi. Qazir bizdegi Qurlyq áskerleriniń oqý ortalyǵynda mehanık-júrgizýshi jáne tanktiń, BMP, artıllerııalyq ózdiginen júretin zeńbirektiń jetekshi-operatory mamandyqtary boıynsha oqytý uıymdastyrylǵan. Baılanys quraldarynyń jáne ınjenerlik áskerlerdiń kishi mamandary óz aldyna bólek daıyndyqtan ótedi.
Qorǵanys mınıstri áskerı tártipke erekshe kóńil bólýde. Qazir Qurlyq áskerlerinde, barlyq Qarýly Kúshterde dep aıtsaq ta bolady, quqyq buzýshylyqtarǵa jol bermeý sharalary qoldanylýda. Barlyq qurylymdar bir shaqyrylymnyń áskerı qyzmetshilerimen jınaqtalady. Álimjettik barlyq jerde joıylǵan desek te bolady. Barlyq kazarmalar áskerı bólim boıynsha kezekshige shyǵarylǵan beınebaqylaý júıelerimen jabdyqtalǵan, bul jaǵdaıdy únemi qadaǵalap otyrýǵa múmkindik beredi.
Ár kazarmadaǵy stendtterde Qurlyq áskerleri bas qolbasshysynyń, óńirlik áskerler qolbasshylarynyń jáne olardyń tárbıe jáne áleýmettik-quqyqtyq jumys boıynsha orynbasarlarynyń uıaly telefondarynyń nómirleri kórsetilgen, bul nómirlerge kez kelgen ýaqytta qońyraý shalýǵa jáne SMS-habarlama jazýǵa bolady. Anonımdi túrde de jaza alady. Sol sııaqty, ár ótinish boıynsha tekseris júrgiziledi, eger tártip buzýshylyqtar bolsa, jedel shara qoldanylyp, kemshilikter joıylady.
Áńgimelesken
Dastan KENJALIN,
«Egemen Qazaqstan».
