8,1 mlrd teńgemen ınvestısııa boıynsha Almaty kósh bastap tur. Bul 2018 jylǵa qaraǵanda 8,8%-ǵa az. Al Nur-Sultan qalasy men Soltústik Qazaqstan oblysyndaǵy ınvestısııa kólemi - 3,8 mlrd jáne 2,7 mlrd teńge.
Búgingi tańda Qazaqstan – AQSh, Ońtústik Koreıa, Shveısarııa jáne Estonııamen qatar, jańa jelini engizýdi bastaǵan alǵashqy on memlekettiń qatarynda. 2019 jyldyń sońyna deıin mundaı jobalar Nur-Sultan, Almaty jáne Shymkent qalalarynda júzege asyrylady.
International Data Corporation halyqaralyq uıymynyń zertteýinshe, 2019 jyly 5G smartfondarynyń búkil álem boıynsha satylymy 6,7 mıllıon birlikke jetedi dep kútilýde. 4G smartfondaryn jetkizý kólemi 95,4% úlesimen 1,3 mlrd birlikti quraıdy.
2023 jylǵa qaraı 5G smartfondaryn jetkizý úlesi naryqtyń 26%-yn (401,3 mln birlikti) quraıdy, al 4G smartfony naryqtan 71,7%-ǵa deıin tómendeıdi.
2019 jyldyń sáýir aıynyń sońynda tirkelgen ınternet-abonentter sany 2,5 mln birlikti qurady, bul 2018 jyldyń sáıkes kezeńimen salystyrǵanda 5,9%-ǵa az. Tirkelgen ınternet abonentteriniń tyǵyzdyǵy 100 adamǵa 14 birlikti qurady.
Mobıldi ınternet abonentteriniń sany naýryz aıynyń sońynda 14,6 mln adam boldy, bul jyl ishinde 7,2%-ǵa artty. Internetke qoljetimdiligi bar uıaly baılanys abonentteriniń tyǵyzdyǵy 100 adamǵa shaqqanda 79 birlikti qurady.
