Erlik eshqashan umytylmaıdy
Seısenbi, 9 sáýir 2013 1:45
Astana qalasyndaǵy Otan qorǵaýshylar parkiniń Erlik alleıasynda ótken jeksenbide 1995 jyldyń 7 sáýiri kúni tájik-aýǵan shekarasynda erlikpen qaza tapqan Ishki áskerlerdiń 17 jaýyngeriniń erligine arnalǵan Erlik kúni is-sharasy bolyp ótti.
Negizinen elimizdiń Ishki áskerleri ishki qaýipsizdikti qamtamasyz etýdi abyroımen atqaryp keledi. Alaıda Joǵarǵy Keńes qaýlysymen Qazaqstan Ishki áskerleriniń eki myńǵa tarta jaýyngeri 1993 pen 1999 jyldar aralyǵynda TMD syrtqy shekarasyn qorǵaý úshin tájik-aýǵan ýchaskesin kúzetýde de óz mindetterin jaqsy atqara bildi.
Seısenbi, 9 sáýir 2013 1:45
Astana qalasyndaǵy Otan qorǵaýshylar parkiniń Erlik alleıasynda ótken jeksenbide 1995 jyldyń 7 sáýiri kúni tájik-aýǵan shekarasynda erlikpen qaza tapqan Ishki áskerlerdiń 17 jaýyngeriniń erligine arnalǵan Erlik kúni is-sharasy bolyp ótti.
Negizinen elimizdiń Ishki áskerleri ishki qaýipsizdikti qamtamasyz etýdi abyroımen atqaryp keledi. Alaıda Joǵarǵy Keńes qaýlysymen Qazaqstan Ishki áskerleriniń eki myńǵa tarta jaýyngeri 1993 pen 1999 jyldar aralyǵynda TMD syrtqy shekarasyn qorǵaý úshin tájik-aýǵan ýchaskesin kúzetýde de óz mindetterin jaqsy atqara bildi. Osydan 18 jyl buryn Ishki áskerlerdiń jeke rotasy Tájikstannyń taýly shatqaldarynda sodyrlarmen qaqtyǵysyp qalǵany belgili. Sol kúshi basym jaýmen qııan-keski urysta Qazbattyń 17 jaýyngeri qaza tapty. Qazaqta «eldiń atyn er shyǵarady», degen ataly sózdi osyndaıda aıtsa kerek. Sol qazaqstandyq jaýyngerlerdiń erligin Tájikstan halqy áli de umyta qoıǵan joq. Sonyń bir jarqyn dáleli retinde 2007 jyly Dýshanbe qalasynda Erlik monýmenti ashylsa, oǵan qaza bolǵan asyl erlerdiń de esimi tasqa qashalyp jazylǵandyǵy. Al Astanada 2009 jyldyń sáýirinde Otan qorǵaýshylar alańynda Ishki áskerlerdiń 17 jaýyngeriniń erligine arnalyp Erlik alleıasy ashyldy.
Sol alleıada jyl saıyn Ishki áskerler jas sarbazdarynyń Otan aldynda adal qyzmet etýge ant berý rásimin ótkizýi dástúrge aınalǵan. Osy rette sáýirdiń 7-si Ishki áskerlerde «Taǵzym kúni» dep bekitilgendigin aıta ketý kerek. Qalyptasqan dástúrge saı bıyl da barlyq bólimshelerde erlikpen qaza tapqan sarbazdardyń rýhyna taǵzym etý sharalary bolyp ótti. Elordada da Erlik alleıasyna jınalǵan Ishki áskerlerdiń jeke quramy, ardagerler, qaza tapqandardyń týǵan-týystary men jaqyn dostary jáne jaqyndary beıbitshilik pen ádilettilik jolyna jas jandaryn qurban etken jandardyń rýhtaryna taǵzym etip, kúńirengen qobyz únimen gúl shoqtaryn qoıdy. Tipti gúl shoqtaryn qoıýǵa áskerılershe kıingen áskerı-patrıottyq synybynyń oqýshylary da arnaıy kelipti. О́zderiniń áskerı boryshtaryn adal atqaryp, erlikpen qaza tapqandardyń arasynda starshına Qalmaqan Baqbaev, serjant Radık Qaımýldıev, kishi serjant Álıhan О́gizbaev, qatardaǵy jaýyngerler Erjan Baıbaǵysov, Erbol Bekebaev, Baýyrjan Dalabaev, Jaqsylyq Jansúgirov, Imomaddın Jumatov, Qanat Edirishev, Erbol Isabaev, Erjan Ábdıev, Erkebulan Maqajanov, Mıhaıl Martynenko, Anatolıı Meshkov, Dastan Nurmetov, Erkin Baıǵabylov jáne Tahır Raıymjanov bar. Jalpy, TMD syrtqy shekarasyn kúzetýde erlikpen qaza tapqandardyń 5-ýi II dárejeli «Aıbyn» ordenimen jáne 12 adam «Jaýyngerlik erligi úshin» medalimen nagradtalǵan.
Artynan qaza tapqandardy eske alý úshin bir mınýttyq únsizdik jarııalandy. Sondaı-aq aspanǵa oq atylyp, qaza tapqandardyń rýhyna taǵzym etildi. Eldiń máńgi myzǵymastyǵyn pash etý úshin áskerı orkestr Memlekettik gımndi oınady. Jınalǵan kópshilik aldynda IIM Ishki áskerlerdiń bas qolbasshysy Rýslan Jaqsylyqov pen Ishki ister organdary men ishki áskerler ardagerleri keńesiniń tóraǵasy О́mirzaq Bolsambekov jáne de birqatar adamdar ortaǵa shyǵyp, erlik jolynyń esten shyqpaıtyndyǵy týraly biraz jyly sózderin arnady. Artynan áskerı bólimderdiń jeke quramdary saltanatty jaǵdaıda marshpen júrip ótti.
Asqar TURAPBAIULY,
«Egemen Qazaqstan».
–––––––––––––––––––––
Sýretti túsirgen
Erlan OMAROV.
