«Qutty mekenimizdiń 150 jyldyq mereıtoıyna arnalǵan kóptegen is-shara atqarylyp keledi. О́zderińizben sol sharalardyń kýási bolyp otyrǵanyma qýanyshtymyn. Qalamyz kúnnen-kúnge kórkeıip, damý ústinde. 150 jyl ishinde Aqtóbe elimizdiń iri shaharlarynyń birine aınalýy úlken maqtanysh ári abyroıly nátıje» dedi oblys ákimi Ońdasyn Orazalın.
V.F.Zınchenko – 1874 jyly Voznesensk qalasynda jumysshy otbasynda dúnıege kelgen, azamattyq soǵystan keıin halyq sharýashylyǵyn damytýǵa, eń aldymen, Qazaqstandaǵy temir jol kóligin qalpyna keltirýge belsene qatysqan.
Sonymen qatar, óńir basshysy Ońdasyn Orazalın Sh. Bersıeva kóshesinde salynǵan jerasty ótkeliniń ashylý saltanatyna qatysty. Jańa jerasty ótkelin «TransMostGroup» JShS qalanyń mereıtoıyna syıǵa tartty. Oblys ákimi óńirdiń damýyna úlesterin qosqan azamattarǵa «Aqtóbeniń 150 jyldyǵy» tósbelgisin tabystady. Atalǵan ıgi shara, áserese, osyndaǵy jergilikti turǵyndar úshin qýanyshty jaǵdaı bolyp otyr.
Budan soń, aımaq basshysy «Selmash» aýdanyndaǵy avtokólikterdiń júrýine arnalǵan kópir qurylysynyń jumysymen tanysty. Qurylys ótken jyldyń naýryz aıynda bastalǵan. Jumys kezeń-kezeńimen júrgizilip, jalpy 19 aıda aıaqtalýy tıis. Oblys ákimi Ońdasyn Orazalın merdiger mekemege jumysty qarqyndy ári sapaly júrgizýdi tapsyrdy. Atalǵan kópir kúre tamyr ispettes bolǵandyqtan, avtokólikterdiń erkin júrýine tezdetip jaǵdaı jasaý qajettigin aıtty.
