Alqaly jıynda qala basshysy bul zań qyzmet kórsetý men halyqtyń ómir súrý sapasyn jaqsartýǵa úlken septigin tıgizetinin atap ótti.
Búgingi tańda Shymkent qalasy boıynsha 23 basqarýshy kompanııa 1409 kópqabatty turǵyn úıge qyzmet kórsetse, 1491 úıde basqarýshylary bar. Al jańǵyrtý baǵdarlamasy aıasynda 947 kópqabatty turǵyn úı kúrdeli jóndeýden ótkizilýi tıis bolsa, onyń – 152 kúrdeli jóndeýden ótken. Sondaı-aq, qala boıynsha kópqabatty turǵyn úılerde ornatylǵan lıftiler sany – 266 bolsa, 2013 jyldan bastap búgingi tańǵa deıin - 29 lıfti aýystyrylǵan. Qazirgi ýaqytta jedel aýystyrýdy qajet etetin 12 lıft qondyrǵylaryn demeýshiler esebinen aýystyrý jumystary júrgizilip jatyr. Zań jobasynda «Bir úı - bir qaýymdastyq - bir esep» qaǵıdasy boıynsha menshik ıeleri MIQ birigýiniń jańa formasy qarastyrylǵan.
Depýtattardyń aıtýynsha, zań jobasynyń negizgi mindeti – júz paıyzdyq kondomınıýmdardy qurý. Zańǵa engizilgen jańa túzetýler kóptegen rásimderdi túbegeıli jeńildetedi. Atalǵan zańda ákimdikterge nysannyń qasbetin, shatyryn jóndeýge, sý deńgeıiniń kóterilý qaýipi bar aımaqtardaǵy turǵyn úılerdiń beriktigin arttyrýǵa, lıftilerdi jóndeý men aýystyrýǵa, gaz salasynda baqylaý ornatýǵa qatysty qosymsha ókilettik beriledi.
