Búginde memlekettik turǵyn úı qorynan baspana alýǵa kezekte 10 544 adam tur eken. Onyń 371-i kóp balaly analar. Qazaqstan Respýblıkasynyń 2019 jyl 6 mamyrdaǵy Zańyna sáıkes, áleýmettik jaǵynan az qorǵalǵan otbasylarǵa arnaıy kategorııa berilip, múgedekter men Uly Otan soǵysy ardagerlerimen birdeı dárejede turǵyn úımen qamtylýyna múmkindik berilip otyr. Bul topqa «Altyn alqa», «Kúmis alqa» ıegerleri jatady. Ásirese múgedek balalary bar otbasylarǵa birinshi qabat usynylǵan. Sebebi arbada otyratyndyqtan, kirip-shyǵýǵa qolaıly bolsyn degen maqsatta. Analardyń kóbi «Altyn alqa», «Kúmis alqa» ıegerleri de bolǵandyqtan, barlyǵy da páterge ıe bolyp, qýanyshtyń kóz jasy kól bolyp tógildi. Bári de oblys basshysyna dán rıza. Bul páterler óte az tólemaqysy bar satyp alý quqyǵynsyz berilgen páterler.
– Halyqtyń ál-aýqaty árqashan basty nazarymyzda, - dedi oblys ákimi Danıal Ahmetov, - biz Elbasynyń jáne Prezıdentimizdiń tapsyrmasyna oraı, mańyzdy sharýalar atqaryp jatyrmyz. Eń aldymen biz halyqtyń ál-aýqatyn arttyrýymyz qajet. Osy jumystar Semeı qalasynda eń aldymen atqarylyp jatqanyna qýanyshtymyn. Bul shaǵyn aýdan men úshin erekshe. Meniń oıymsha, Qaraǵaıly etalondyq aýdan bolyp, Semeıdiń alǵa qaraı damıtyn standarttaryn qalyptastyrady.
Qaraǵaılydaǵy №34,35,36 úıler aımaqtyq turǵyn úı baǵdarlamasy boıynsha «Fırma «Azııa» JShS men «Ertis» ÁKK arqyly turǵyzylyp jatyr. Kiltterdi tabystaǵan oblys ákimi turǵyn úılerdiń sapasyna rıza boldy. Danıal Ahmetov kóp balaly analardy jańa qonystarymen quttyqtap, barlyǵyna densaýlyq pen baqyt tiledi. О́z kezeginde kóp balaly analar ákimge alǵys aıtyp, jyly lebizderin bildirdi. Jalpy, aımaq basshysy Qaraǵaıly aýdanynda salynyp jatqan turǵyn úıdiń sapasyn joǵary baǵalady.
- Osyndaı erekshe syılyq úshin Elbasyna rahmet, - dedi kóp balaly ana Bıbijamal apa, - bizge qurmetpen qaraıtyny úshin qýanyshtymyn. Barshańyzǵa beıbit aspan men amandyq tileımin. Balalarymyz aman bolsyn. Osynyń bárin saqtaıyq jáne kóbeıteıik. Danıal Kenjetaıulyna Qaraǵaıly aýdanyn jańadan salǵany úshin erekshe rahmetimdi aıtamyn.
Raýshan NUǴMANBEKOVA,
Semeı
