Tarıh • 30 Mamyr, 2019

Taraz tarıhyn tanytýdyń tyń joly

806 ret kórsetildi

Kóne Taraz qalasy týraly vızantııalyq elshi Zemarh, Qytaı saıahatshysy Sıý-an-Szan, arab geografy Ál-Maqdısı sııaqty saıahatshylar kezinde qundy derekter jazyp qaldyrǵan. Odan bergi kezeńde de tarıhı Taraz topyraǵy týraly talaı týyndylar týǵan.

Jýyrda tarıhı kezeńderdi jań­ǵyr­tý maqsatynda kókeıinde kóne tarıh kúmbirlegen tarıhy tereń Áýlıeata óńirinde «Nomad Explorer» kompanııasynyń uıytqy bolýymen jáne Jambyl oblysy ákimdiginiń týrızm basqarmasy, sonymen qatar Jýaly aýdany ákimdiginiń qoldaýymen alǵash ret «Ońtústik ańyzdary» ekspedısııalyq festıvali ótti. Týrıs­tik ekspedısııaǵa elimizdiń jáne shetel­der­diń myńnan astam saıahatshylary qatysty. 

 Birneshe jyldan beri elimizdiń tarıhı mańyzy bar ári kórikti jerlerine saıahat jasap, ishki týrızmdi damytýǵa atsalysyp júrgen «Nomad Explorer» toby bıylǵy sharaǵa Jambyl oblysyn tuńǵysh ret qosyp otyr eken. Belgili saıahatshy Marǵulan Seısenbaı bastaǵan sapardyń alǵashqy baǵyty eki myń jyldan astam tarıhy bar kóne Taraz qalasynan bastaldy. Jospar boıynsha ekspedısııalyq top Taraz qalasynan shyǵyp, Alataýdyń etegindegi ortaǵasyrlyq Aqyrtas tarıhı nysanyna bardy. Sonymen qatar saıahatshylar Talas ózeniniń oń jaǵalaýynda ornalasqan Tekturmas kesenesine kelip, odan keıin Qarahan, Aısha bıbi jáne Babadja hatýn keseneleriniń tarıhymen de tanysty. 

Budan keıin Jýaly aýdanynyń Berikqara shatqalynda Elbasynyń «Uly dalanyń jeti qyry» atty maqalasyna oraı «Qyzǵaldaq – Jambyl oblysynyń tabıǵı murasy» taqyrybynda ǵylymı-tájirıbelik konferensııa ótti. «Atalǵan shara elimizdegi Greıg, Kaýfman, Zınaıda, Borshov, Kolpakovskıı qyzǵaldaqtary sııaqty endemııalyq ósimdikterge jas­tardy uqypty qaraýǵa shaqyrý bolyp tabylady. Sonymen qatar mun­da­ǵy Greıg jáne Kaýfman qyzǵal­daqtary Qazaqstannyń Qyzyl kita­by­na engizilgen. Is-sharanyń negizgi maq­saty – Jambyl oblysynyń tarı­hı jerlerimen qosa, tabıǵat keremetin de týrısterge tanystyrý jáne ony saqtaýdyń mańyzdylyǵyna mán berý», deıdi oblystyq týrızm basqarmasynyń basshysy Qarlyǵash Aralbekova. 

Atalǵan ǵylymı-tájirıbelik konferensııaǵa «Aqsý-Jabaǵyly» mem­lekettik tabıǵı qoryǵy» res­pýb­lıkalyq memlekettik mekemesi, Bilim jáne ǵylym mınıstrligine qarasty Botanıka jáne fıtoıntrodýksııa ınstıtýty, Qazaqstannyń bıoalýan­túr­liligin saqtaý qaýymdastyǵy, Jambyl oblysy ákimdiginiń Tabıǵı re­sýrstar jáne tabıǵat paıdalanýdy retteý basqarmasynyń qyzmetkerleri, Jambyl oblysy týrıstik fırmasynyń ókilderi, buqaralyq aqparat qural­da­ry, úkimettik emes uıymdar ókilderi, blogerler men fototilshiler qatysty. Konferensııaǵa qatysýshylar Berik­qara shatqalyndaǵy kóktemgi ártúrli ósim­dikterdi tamashalap, jabaıy qyz­ǵal­­­daqtar aıasynda fotosessııalar uıym­­­dastyrdy. Sonymen qatar munda kók­par, báıge, toǵyzqumalaq, asyq atý sııaqty ulttyq oıyn túrlerinen de fes­tıval ótti. 


Jambyl oblysy
Sońǵy jańalyqtar

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar