Bakýdegi «Olımpıada» stadıonynda ótken matchta jankúıerler bes goldyń kýási boldy. Bir qyzyǵy, goldyń barlyǵy ekinshi taımda soǵyldy. Birinshi taımda eki klýbta da gol soǵatyn tamasha múmkindikter bolǵan, alaıda shabýyldy nátıjeli aıaqtaıtyn fýtbolshy tabylmady. Oıyndaǵy esepti ekinshi taımnyń 49-mınýtynda «Chelsı» shabýylshysy Olıve Jırý ashsa, 60 mınýtta Pedro esepti 2:0-ge jetkizdi. 65-mınýtta penaltıden gol soqqan Eden Azar, 72-mınýtta Jırýdyń pasyn tıimdi paıdalanyp, dýbl jasady. Al «Arsenal» sapynan jalǵyz qarymta goldy 69-mınýtta alańǵa tyńnan qosylǵan Aleks Ivobı saldy. Qorytyndy esep – 4:1.
Osylaısha, «Chelsı» komandasy Eýropa lıgasynda ekinshi ret top jardy. Buǵan deıin 2013 jylǵy fınalda portýgalııanyń «Benfıka» komandasyn jeńip, alǵashqy jeńisine qol jetkizgen edi. Al «Arsenal» kerisinshe, atalǵan týrnırdiń fınalynda ekinshi ret chempıondyqtan qur qaldy. 2000 jyly Eýropa lıgasynyń aty ÝEFA kýbogy bolyp turǵan kezde Túrkııanyń «Galatasaraı» komandasyna ese jibergen edi.
