Saılaý • 30 Mamyr, 2019

Saılaýdy uıymdastyrýshylarmen semınar ótti

694 ret kórsetildi

Búgin Nur-Sultan qalasynda «2019 jyldyń 9 maýsymyna taǵaıyndalǵan Qazaqstan Respýblıkasy prezıdentiniń kezekten tys saılaýyn ázirleý men ótkizý kezeńindegi saılaý komıssııalarynyń jumysy týraly» saılaýdy uıymdastyrýshylarmen oqytý semınar ótti.

Otyrysty ashqan qalalyq saılaý komıssııasynyń tóraǵasy Vladımır Redkokashın atalǵan oqytý semınaryna aýmaqtyq jáne ýchaskelik saılaý komıssııalarynyń tóraǵalary, memlekettik organdar ókilderi shaqyrylǵanyn jáne sondaı-aq, Ortalyq saılaý komıssııasynyń hatshysy Sábıla Mustafına men Nur-Sultan qalasy ákiminiń orynbasary Erlan Kanalımov qatysyp otyrǵanyn atap ótti. Budan keıin sóz alǵan Ortalyq saılaý komıssııasynyń hatshysy Sábıla Mustafına jınalǵandardy Qazaqstan Respýblıkasy prezıdentiniń kezekten tys saılaýy jónindegi negizgi is-sharalardyń kúntizbelik jospary saılaý týraly qoldanystaǵy zańnamaǵa sáıkes ázirlengenin jetkizdi. Soǵan baılanysty qazirgi kúnge deıin kóptegen jumys atqaryldy. Qazaqstan Respýblıkasy prezıdentiniń laýazymyna kandıdattardy usyný, olardy tirkeý, saılaýshylar tizimderimen jumysty uıymdastyrý, múmkindikteri shekteýli azamattar úshin saılaý ýchaskelerinde jaǵdaılardy qamtamasyz etý jáne t.b. máseleler týraly keńinen aıtyp berdi.  Oǵan qosa saılaý zańnamasyndaǵy ózgerister, saılaý naýqanynyń negizgi kezeńderi, kandıdattardyń saılaý aldyndaǵy úgitti júzege asyrý sharttary, saılaýdyń erekshelikteri, saılaý komıssııalarynyń saılaýdy ázirleý men ótkizý jónindegi ókilettikteri, aýmaqtyq saılaý komıssııalarynyń jáne jergilikti atqarýshy organdardyń múmkindikteri shekteýli azamattardyń quqyqtaryn qamtamasyz etý jónindegi mindetteri de sóz boldy.

Budan keıin sóz alǵan Nur-Sultan qalasy ákiminiń orynbasary Erlan Kanalımov saılaýshylar tizimi týraly, múmkindikteri shekteýli azamattarǵa saılaý ýchaskelerinde jasalǵan jaǵdaı jóninde, saılaý ýchaskeleriniń materıaldyq-tehnıkalyq qamatasyz etilýi jáne qoǵamdyq tártip pen qaýipsizdikti qamtamasyz etý barysynda atqarylǵan jumystar týraly aıtyp berdi. Al qalalyq saılaý komıssııasynyń tóraǵasy Vladımır Redkokashın 2019 jyldyń 9 maýsymyna taǵaıyndalǵan Qazaqstan Respýblıkasy prezıdentin kezekten tys saılaýyna ázirlik pen ony ótkizý barysyndaǵy atqarylǵan jumystar týraly jáne saılaý komıssııalary múshelerin oqytý jóninde baıandap berdi. Budan soń Ortalyq saılaý komıssııasynyń hatshysy Sábıla Mustafına túrli suraqtarǵa jaýap qaıtardy.

Sol sııaqty osynyń aldynda Ortalyq saılaý komıssııasynyń múshesi Baqyt  Meldeshov te Shyǵys Qazaqstan oblysyna barǵan jumys sapary aıasynda О́skemen qalasynda saılaýdy uıymdastyrýshylar úshin «2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyna ázirlik pen ony ótkizý kezeńindegi saılaý komıssııalarynyń jumysy týraly» oqytý semınaryn ótkizgen edi. Onda óńir boıynsha saılaýdy ótkizýge daıyndyq is-sharalary joǵaryda atalǵan kúntizbelik josparǵa sáıkes tıisti dárejede ótkizilýde jáne saılaýshylar tizimderin tıisti ákimder ýchaskelik saılaý komıssııalaryna ýaqytyly berilgendigi aıtyldy. Barlyq saılaý ýchaskeleri ádistemelik materıaldarmen, qajetti jabdyqtarmen, baılanys quraldarymen, ınternet jelisimen qamtamasyz etilgen.

Bul is-sharaǵa aýmaqtyq jáne ýchaskelik saılaý komıssııalarynyń músheleri, beınekonferensbaılanys rejıminde elektorattyq oqytýdyń sertıfıkattalǵan jattyqtyrýshylary jáne Qazaqstan Respýblıkasynyń Prezıdenti janyndaǵy Memlekettik basqarý akademııasy fılıalynyń jergilikti atqarýshy, quqyq qorǵaý organdarynyń, sottyń, ókilderi sondaı-aq jergilikti baıqaýshylar qatysty.

Semınar barysynda B.Meldeshov saılaý naýqanynyń árbir kezeńimen, saılaý zańnamasyna sáıkes saılaýdy uıymdastyrýshylardy olardyń negizgi ókilettikterimen jáne mindetterimen tanystyrdy. Saılaý naýqanynda saılaý aldyndaǵy úgit, oblystaǵy saılaý komıssııalary múshelerin elektorattyq oqytý jáne saılaý ýchaskelerin saılaýǵa daıyndaý barysyna keńinen toqtaldy. Bul oraıda Shyǵys Qazaqstan oblysy ákimi apparatynyń basshysy J.Sársebaev saılaýshylardyń tizimderin jasaý boıynsha júrgizilgen jumys jaıly, Shyǵys Qazaqstan oblysynyń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary M.Qusaıynova múmkindikteri shekteýli azamattardyń kedergisiz daýys berýi úshin jaǵdaılardy qamtamasyz etý boıynsha qabyldanǵan sharalar týraly baıandady.

Shyǵys Qazaqstan oblystyq saılaý komıssııasynyń tóraǵasy E. Nábıev oblystaǵy saılaý komıssııalary men ýchaskelerin uıymdastyrý jáne olardy daýys berý kúnine daıyndaý jónindegi aǵymdaǵy jaǵdaı, saılaý komıssııalarynyń múshelerin kaskadtyq ádispen jáne qashyqtyqta oqytý ádisimen oqytý jáne testileý týraly, sondaı-aq múmkindikteri shekteýli azamattardyń kedergisiz daýys berýi úshin jaǵdaılardy qamtamasyz etý boıynsha qabyldanǵan sharalar týraly habarlady.

Al OSK apparatynyń bas konsýltanty B.Darmýrzına saılaý komıssııalary qyzmetiniń keıbir máselelerine toqtaldy. Qatysýshylarǵa daýys berý kúnindegi ýchaskelik saılaý komıssııalarynyń jumysy týraly Ortalyq saılaý komıssııasy daıyndaǵan oqytý fılmi kórsetildi. Is-shara sońynda qarastyrylǵan máseleler boıynsha pikir almasý ótip, suraqtarǵa jaýap berildi.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar