Maıda monshaq – qazirgi zamanǵy sándik-qoldanbaly óner men dızaındaǵy ózekti de tanymal materıal. Atalmysh óner jármeńkesinde kópshilik nazaryna 20 sheberdiń monshaqty qoldaný, áshekeı, kıim aksessýarlary, avtorlyq qýyrshaqtar, ıntererdi sándeý buıymdary sııaqty shyǵarmashylyq jumystary usynylady.
Negizgi ekspozısııadan basqa, Qazaqstandaǵy maıda monshaq tizý óneri qaýymdastyǵynyń ujymdyq kórmesi aıasynda eki joba atqarylady, olar: «Maıda monshaq elderdi, halyqtar men kontınentterdi biriktiredi» jáne «Monshaq-Qýyrshaq» tandemi.
«Maıda monshaq elderdi, halyqtar men kontınentterdi biriktiredi» fotojobasynyń tujyrymdamasy túrli elder men dáýirlerdiń etnıkalyq kolorıtin, dástúrlerin, materıaldyq mádenıetiniń erekshelikterin álem halyqtary áıelderiniń sulýlyǵynyń kórkemdik beınesi arqyly berýge jáne sonymen birge áshekeıler men aksessýarlardy kórsetýge umtylýymen tujyrymdalady. Maıda monshaqty shekteý múmkin emes –ony qaı jerde bolsa da, kim de bolsa paıdalanýyna erki bar. Maıda monshaq tizý óneri úshin til bilýdiń qajeti joq, ol kez kelgen tilde sóılep, kez kelgen halyqtyń, ulttyń, tutas eldiń mádenıetin kórsete alady. Joba ekspozısııasynda ortaq ıdeıamen birikken, biraq oryndalýy ár túrli monshaq tizý óneriniń keremet 12 týyndysy jáne maıda monshaq tizý óneri sheberleriniń, fotograftyń, shashtarazdyń, vızajıstiń shyǵarmashylyq yntymaqtastyǵynyń nátıjesi bolǵan fotorobottar da kórsetiledi», –deıdi mýzeıdiń baspasóz hatshysy Klara Isabaeva.
Kórmeni 7-30 maýsym aralyǵynda saǵat 11.00-den 19.00-ge deıin tamashalaýǵa bolady.
