Turǵyndar dereý evakýasııalandy. Qazir oqıǵa orny oqshaýlanyp, órt sóndirý qyzmetiniń mamandary arnaıy tehnıkamen jumys istep jatyr.
Aqparatqa sáıkes, saǵat 19:30-da Taraz qalasy «Qarasý 5» shaǵyn aýdanyndaǵy №18 úıdiń shatyrynda órt shyqqan. TJD órt sóndirý jáne avarııalyq qutqarý jumystary qyzmetine 19:34-te qońyraý kelip tústi. О́rtti sóndirýge 14 tehnıka, 62 órt sóndirý qyzmetiniń mamany jumyldyryldy. 171 adam qaýipsiz jerge kóshirildi, onyń 42-i bala. Keshki saǵat 20:50-de órttiń ózge aımaqtarǵa qaýip tóndirýi toqtatylyp, saǵat 22:11 sóndirildi.
Aımaq basshylarynyń aıtýynsha, endi arnaıy komıssııa qurylyp tolyq zertteý jumystaryn júrgizedi. Bul úı 2014 jyly jańǵyrtý baǵdarlamasy boıynsha jóndeýden ótken eken.
