Taldyqorǵan qalasynyń turǵyndary úshin qolaıly jaǵdaı jasaý maqsatynda Open space qaǵıdasy boıynsha jumys isteıtin Taldyqorǵan qalasy ákimdiginiń «Front-ofısin» ashý jobasy qolǵa alyndy. Jobany «Jetisý – adaldyq alańy» keńsesinde ótken baspasóz máslıhatynda qala ákimi Ǵalymjan Ábdiraıymov tanystyrdy. Qala ákiminiń aıtýynsha, bul keńsede turǵyn úı-kommýnaldyq sharýashylyq bólimi, jer qatynastary bólimi, sáýlet jáne qala qurylysy bólimi jáne jolaýshylar kóligi jáne avtomobıl joldary bólimi sııaqty qaladaǵy eń suranysqa ıe organdarynyń ókilderin ornalastyrý josparlanýda. Sonymen qatar, keńsede elektrondy kezek, yńǵaıly oryndarmen kútý zaly, kondısıoner, sýǵa arnalǵan dıspenser jáne aqparattyq teledıdar sııaqty qolaıly jaǵdaılar jasalady. Múmkindigi shekteýli tulǵalarǵa qońyraý shalý, pandýs, gıgıenalyq bólmeler ornatylǵan, Braıl shrıftinde jazylǵan taqtaıshalar da joba boıynsha kózdelgen.
О́z kezeginde Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń basshysy Serikbaı Nurǵısaev: «Front-ofıs» ashý maqsaty - memlekettik qyzmet kórsetetin memlekettik organdardy bir jerge shoǵyrlandyrý jáne qyzmet alý kezinde azamattar úshin qolaıly jaǵdaı jasaý bolyp tabylady», - dedi.
Jalpy, bul «front ofıs» jobasy turǵyndarǵa qalanyń ár túkpirinde ornalasqan bólimderdi izdestirmeı, bir ǵımaratta memlekettik qyzmetter men qajetti keńester alýǵa múmkindik beredi.
