Shymkenttegi «Qasiret» memorıalynda Keńestik kesir saıasattyń saıası qýǵyn-súrginine ushyraǵandar men asharshylyq qurbandaryn eske alýǵa arnalǵan is-shara ótti.
Qaladaǵy «Albasty saı» atanyp ketken aýmaqta ornalasqan «Qasiret» memorıalyna qala ákimi Ǵabıdolla Ábdirahymov pen ardagerler qaýymy arnaıy kelip, eskertkishke gúl shoqtaryn qoıyp, taǵzym etti.
«Biz tarıhtaǵy zobalań jyldardy umytpaýymyz kerek. О́tken tarıhtyń aýyrtpalyqtarynan sabaq alyp qana, alǵa qadam basamyz. Keleshekte mundaı qatelikke jol bermeýimiz qajet. Qasiretti jyldarda qurban bolǵandardyń týǵan-týystaryna óz alǵysymdy aıtamyn. Beıbit ómirdiń qadirin bileıik», dedi qala ákimi.
Onan soń kópshilik qaýym saıası-qýǵyn súrginge ushyraǵan babalardy bir mınýt únsizdikpen eske aldy. Jıyn sońynda jınalǵan kópshilik dalalyq teatr qoıylymdaryn tamashalady.
