Ony kezinde Dáýletkeldıev degen tatar kópesi óz qarajatyna saldyrypty. Qazan tóńkerisine deıin musylman jamaǵatynyń Alla taǵalaǵa qulshylyq etetin dinı mekeme retinde jumys istep kelgen. Keıin syńarjaq saıasattyń saldarynan qıratylyp, qabyrǵalary men mınareti ǵana saqtalǵan.
«Jıyrmasynshy ǵasyrdyń basynda Petropavl qalasynda 9 meshit bolǵan. Solardyń biri 1870 jyly boı kótergen Dáýletkelıev meshiti eń kónesi sanalady. Biz ony qalpyna keltirip, ıslam mádenı mýzeıine aınaldyrýǵa sheshim qabyldadyq. Nysan Qazaqstan musylmandar dinı basqamasynyń menshigine ótkiziletin bolady», dep jazdy aımaq basshysy Qumar Aqsaqalov áleýmettik jeli paraqshasynda.
Búginde oblys ortalyǵynda bes meshit jumys istese, ekeýi memleket tarapynan qorǵalatyn arhıtektýralyq eskertkish mártebesine ıe.
О́ńirdegi taǵy bir kóne dinı ǵıbadatqanalardyń biri – Kasımov meshiti. Ol qalanyń shetkeri aýdany Oıqala jaqta ornalasqan. Onda búginde tehnıkalyq qyzmet ortalyǵy men saýna qyzmet kórsetedi.
