Oqıǵa oryn alǵan kúni shekarashy túngi aýysymnan shyqqannan keıin avtokóligin jýýǵa kól jaǵasyna barady. Osy kezde kópir ústinen eki qyz balanyń jan ushyrǵan ashy aıǵaıyn estıdi. Jalma-jan júgirip kelse, áıel men balanyń sýǵa bir batyp, bir shyǵyp júrgenin kóredi. Esh oılanbastan sýǵa qoıyp ketip áıeldi sýdan alyp shyǵady. Izinshe kólge qaıta súńgip, sý astynan balany taýyp, jaǵaǵa alyp shyǵady. Es-tússiz jaqtan bes jastaǵy Nurádilge jedel medısınalyq kómek kórsetip, esin jıǵyzady. Sóıtse, kópirdiń shirik taqtaılary opyrylyp, bala sýǵa qulap ketken kórinedi. Maltý bilmeıtin sheshesi ulyn qutqarmaq bolǵan.
Erjúrek shekarashy ana men balany avtokóligine otyrǵyzyp, medısınalyq beketke deıin ákeledi.
Sergeı Gaıdaı ana men balany ajaldan qutqarǵanyn erlikke sanamaıdy. Meniń ornymdaǵy kez kelgen adam osyndaı qareketke barady dep esepteıdi.
Soltústik Qazaqstan oblysy
